ورالدىق پوليسەيلەر جەزوكشەلىكپەن اينالىسقان 16 جانە 17 جاستاعى قىزداردى ۇستادى. ونىڭ بىرەۋى 12 جاسىنان باستاپ جەڭىل ءجۇرىستى كاسىپ ەتكەن ەكەن. ولاردى ءتارتىپ ساقشىلارى «دەپوۆسكايا» كوشەسىندەگى ساۋنا ماڭىندا قۇرىقتاعان دەپ جازادى SN "ۋرالسكايا نەدەليا" پورتالىنا سىلتەمە جاساپ.
«قىزداردىڭ جاسى 16-17 شاماسىندا. بىرەۋى جاڭاقالا اۋدانىنان. جاز ايىنان باستاپ جەزوكشەلىكپەن اينالىسقان. جارتىلاي جەتىم بولعانىمەن وتباسىنىڭ كۇن كورىسى جاقسى. ەكىنشى قىزدىڭ جاعدايى اسوسيالدى. جەزوكشەلىكپەن 12 جاستان باستاپ اينالىسادى. ءبىز ونى كوپتەن بەرى قولعا تۇسىرە المادىق. ەندى ونى تۇنگى جۇرىستەن تىيۋ ءۇشىن ارنايى مەكتەپكە اۋىستىرۋدى قولعا الىپ جاتىرمىز»، - دەدى قالا پروكۋرورىنىڭ كومەكشىسى الماگۇل يسماعۇلوۆا.
ءقازىر ەكى قىز دا كامەلەتكە تولماعانداردى بەيىمدەۋ ورتالىعىنا ورنالاستىرىلدى.
