قازاقستاننىڭ ەكى وبلىسىندا جول جابىلدى، - دەپ حابارلادى قازاقپارات «قازاقاۆتوجول» رمك-گە سىلتەمە جاساپ.

8 قاڭتاردا 01.30-دا اقمولا وبلىسىندا اۋا رايى جاعدايىنىڭ ناشارلاۋىنا بايلانىستى (اۋا تەمپەراتۋراسى -27⁰-33⁰س تومەندەۋىنە وراي) مىنا باعىتتاردان باسقا: 

1. «استانا-ەرەيمەنتاۋ-شىدەرتى» (16-205 شاقىرىم)،   استانا قالاسىنان پاۆلودار وبلىسىنىڭ شەكاراسىنا دەيىن؛

2. «ەكاتەرينبۋرگ-الماتى»  (1275-1353 شاقىرىم)،   استانا قالاسىنان قاراعاندى وبلىسى شەكاراسىنا دەيىن  جولداردى قوسپاعاندا، ديزەلدى جانە  قوعامدىق كولىكتەر ءۇشىن بارلىق باعىتتا وبلىس بويىنشا جول قوزعالىسىنا شەكتەۋ ەنگىزىلدى.

بۇل باعىتتاردا قوزعالىس ساعات 07.00-دە اشىلدى.

قاراعاندى وبلىسىندا اۋا رايىنىڭ ناشارلاۋىنا جانە كوكتايعاق ورىن الۋىنا بايلانىستى «ەكاتەرينبۋرگ-الماتى» اۆتوجولىندا (1858-2005 شاقىرىم) بالقاش قالاسىنان جامبىل وبلىسى شەكاراسىنا دەيىن جۇك جانە قوعامدىق اۆتوكولىك ءۇشىن جول قوزعالىسىنا شەكتەۋ قويىلدى.