جاڭا زاڭناماعا سايكەس، ەلىمىزدە ازاماتتار ۇيالى بايلانىس وپەراتورلارىنىڭ قىزمەتىنە ەركىن اۋىسا الاتىن بولدى. وسى وزگەرىستەرگە وراي ق ر ينۆەستيسيالىق دامۋ جونىندەگى مينيسترلىكتىڭ بايلانىس، اقپاراتتاندىرۋ جانە اقپارات كوميتەتى اتقارىلعان جۇمىستاردىڭ قورىتىندىسىن شىعاردى، - دەپ حابارلايدى «قامشى» پورتالى.

وزگەرىستەرگە ساي، 1 قاڭتاردان باستاپ تۇتىنۋشىلار تەلەفون نومىرلەرىن ساقتاي وتىرىپ، باسقا بايلانىس وپەراتورىنىڭ قىزمەتىنە اۋىسا الادى.

كوميتەت تاراتقان حابارلاماعا سايكەس، 8 قاڭتار كۇنى ساعات 12.30-عا دەيىن «التەل» بايلانىس وپەراتورىنا 982 ابونەنت، «تەلە 2» وپەراتورىنا 558، «بيلاينعا» 407، «Kcell» وپەراتورىنا 343 ابونەنت اۋىسقان.

وسى جىلدىڭ العاشقى سەگىز كۇنىندە «Kcell» وپەراتورىنىڭ قىزمەتىنەن 1218، «بيلايننان» 565، «Tele2-دەن» - 381، «التەلدەن» 126 ابونەنت باس تارتقان.