يەمەننىڭ سولتۇستىگىندەگى «شەكاراسىز دارىگەرلەر» حالىقارالىق گۋمانيتارلىق ۇيىمىنىڭ اۋرۋحاناسى تاعى دا جارىلعىش سناريادتارمەن اتقىلاندى، - دەپ حابارلايدى «قامشى» پورتالى 24.kz-كە سىلتەمە جاساپ.

اۋرۋحانا ساۋد ارابياسىمەن شەكارالاس جاتقان رەزا قالاسىندا ورنالاسقان. مالىمەتتەرگە قاراعاندا جارىلىستان 5 ادام قازا تاۋىپ ونشاقتىسى جاراقات العان. ايتا كەتۋ كەرەك، بۇل سوعىس ايماعىندا ورنالاسقان ەمحانالاردىڭ ءبىرىنشى رەت شابۋىلعا ۇشىراۋى ەمەس. بىلتىر قازان ايىندا دا ەكى بىردەي ەمدەۋ عيماراتىنا قاستاندىق جاسالعان ەدى.

تەرەزا سانكريستوۆال، «شەكاراسىز دارىگەرلەر» ۇيىمىنىڭ مەنەدجەرى:

- اۋرۋحانامىزعا وسىمەن ءۇشىنشى رەت شابۋىل جاسالىپ وتىر جانە بۇل ايماقتا بىزگە عانا ەمەس، وزگە دە ەمحانالار قيراپ جاتىر. قازا تاپقان 5 ادامنىڭ ەكەۋى مەديسينا قىزمەتكەرى ەدى. ال قالعاندارى ناۋقاستار مەن كۇتۋشىلەر. ولار شابۋىل جاسالعان ۋاقىتتا عيمارات ىشىندە بولعان.