الماتىدا سالىنادى دەلىنگەن جاڭا اۋەجايدىڭ قۇنى 8 ميلليارد دوللاردى قۇرايدى دەگەن اقپارات جالعان. ول اۋەجايدىڭ شىنايى قۇنىنان 64 ەسە قىمباتتاتىلىپ بەلگىلەنگەن. بۇل تۋرالى ق ر اۋە تاسىمالداۋشىلارى قاۋىمداستىعىنىڭ ءتوراعاسى ۆلاديمير كۋروپاتەنكو مالىمدەدى، - دەپ حابارلايدى «قامشى» پورتالى informburo.kz –كە سىلتەمە جاساپ.

جاڭا اۋەجاي قۇرىلىسىنا بولىنەتىن قاراجات سوماسى تۋرالى وتكەن جىلى جەلتوقسان ايىندا ءماجىلىس دەپۋتاتى سەرىك سەيدۋمانوۆ مالىمدەگەن ەدى.

قاۋىمداستىق ءتوراعاسىنىڭ ايتۋىنشا، اۋەجاي قۇرىلىسىنا كەرەك شىنايى قاراجات 125 ميلليون اقش دوللارىن قۇرايتىن كورىنەدى.

«بۇل سوما (8 ملرد.دوللار – رەد.) قولدان جاسالعان جانە بيلىكتىڭ جوعارى شەگىندە  مالىمدەنۋدە. وسى سومانى ب ا ق ءىلىپ اكەتتى سوسىن»، - دەدى الماتىدا وتكەن باسپا ءسوز ءماسليحاتىندا ۆ. كۋروپاتەنكو.