قازاقستان مۇسىلماندارى ءدىني باسقارماسىنىڭ ءتورت باعىتقا ارنالعان نەگىزگى جوسپارلى جۇمىسىن جۇيەلى ىسكە اسىرۋ ماقساتىندا قدمب ءدىني ءبىلىم جانە عىلىم ءبولىمىنىڭ مەڭگەرۋشىسى باقتىباي بەيسەنبايەۆ تۇركىستان قالاسىنداعى ق.ا.ياسساۋي اتىنداعى حالىقارالىق قازاق-تۇرىك ۋنيۆەرسيتەتىنە ارنايى ىس-ساپارمەن باردى. بۇل تۋرالى «قامشى» پورتالى e-islam.kz/ – كە سىلتەمە جاساپ حابارلايدى.

ۋنيۆەرسيتەت پرەزيدەنتى، پروفەسسور ۋ.ابدىبەكوۆتىڭ قابىلداۋىندا بولعان قمدب وكىلى ءبىلىم ورداسى جايىندا پىكىر الماستى. ءدىني باسقارمانىڭ باستى مىندەت-ماقساتتارىن تانىستىرىپ وتكەن باقتىباي قىدىرباي ۇلى ۋنيۆەرسيتەت رەكتورىنا قازاقستانداعى يمامداردىڭ بىلىكتىلىگىن جەتىلدىرۋ كۋرسىن  وسى وقۋ ورنىندا ۇيىمداستىرۋدى ۇسىندى.

رەكتور ءوز كەزەگىندە بۇل ۇسىنىستى قابىل الىپ، الداعى ۋاقىتتا قازاقستان مۇسىلماندار ءدىني باسقارماسىمەن بىرلەسە وتىرىپ يمامداردىڭ بىلىكتىلىگىن جەتىلدىرۋ كۋرسىن اشۋعا ۋنيۆەرسيتتەتتىڭ تولىق مۇمكىندىگى بار ەكەنىن ايتتى، سونداي-اق جەمىستى جوباعا ءارقاشان قولداۋ كورسەتەتىنىن ءبىلدىردى. مۇنىمەن قاتار، ۋنيۆەرسيتەت باسشىسى ۋ.ابدىبەكوۆ 2016-2017 وقۋ جىلىنا ءدىنتانۋ ماماندىعىنا ءدىني باسقارما تاراپىنان ۇسىنىلعان تالاپكەرلەرگە 15 گرانت بولەتىندىگىن جەتكىزدى.

ءىس-ساپار بارىسىندا ءبولىم مەڭگەرۋشىسى باقتىباي قىدىرباي ۇلى باستاعان توپ «تۇركىستان احمەت ياسساۋي» قۇران كۋرسى ورتالىعىندا بولىپ، وقۋ ورداسىنىڭ عيماراتىمەن جانە  ونىڭ بۇگىنگى جاعدايىمەن تانىستى. اتالمىش ورتالىق جاتاقحانا، اسحانا جانە وقۋ اۋديتوريالارىمەن تولىقتاي قامتاماسىز ەتىلگەن ەكەن.

ارنايى توپ توعىز جولدىڭ تورابىندا ورنالاسقان وتىرار اۋدانىنا دا ات باسىن بۇردى. وندا ءبولىم مەڭگەرۋشىسى باقتىباي قىدىرباي ۇلى «ارىستان باب» كەسەنەسىنە زيارات ەتىپ، كەسەنەگە قارسى بەتتە ورنالاسقان «ارىستان بابا» مەشىتىندە بولدى. سونداي-اق مەشىتپەن قاتار بوي كوتەرگەن رۋحاني كەشىننىڭ جۇمىسىمەن تانىستى. وندا الداعى ۋاقىتتا دايىندىق كۋرستارىن اشۋ ماسەلەسىنە مول مۇمكىندىكتەر بار ەكەندىگىنە كوز جەتكىزدى. ايتا كەتەيىك، بۇل كەشەن دە جاتاقحانا، اسحانا جانە دارىسحانالارمەن قامتىلعان.