الماتى قالالىق دەنساۋلىق ساقتاۋ باسقارماسىنىڭ باسشىسى اۋىستى. بۇل تۋرالى باسقارمانىڭ باسپا ءسوز قىزمەتىنە سىلتەمە جاساپ قازاقپارات حابارلادى.
باسشىلىققا بۇعان دەيىن مەملەكەتتىك دارىگەرلەر ءبىلىمىن جەتىلدىرۋ ينستيتۋتىنىڭ رەكتورى قىزمەتىن اتقارىپ كەلگەن ءۋاليحان احمەتوۆ تاعايىندالدى.
ءۋاليحان احمەتوۆ 1995 جىلى س.اسفەندياروۆ اتىنداعى مەديسينالىق ينستيتۋتتى ءتامامداعان.
ەڭبەك جولىن ورتالىق كلينيكالىق اۋرۋحانادا باستاعان. ءار جىلدارى ورتالىقتار مەن ينستيتۋتتاردىڭ ديرەكتورى قىزمەتىن اتقارىپ كەلگەن.
2008 جىلدان باستاپ س.اسفەندياروۆ اتىنداعى قازاق مەديسينالىق ۋنيۆەرسيەتتىنىڭ پرورەكتورى، الماتىداعى مەملەكەتتىك دارىگەرلەردىڭ ءبىلىمىن جەتىلدىرۋ ۋنيۆەرسيتەتىندە رەكتور بولىپ تاعايىندالعان. الماتى قالالىق ءماسليحاتىنا مەدەۋ اۋدانىنان دەپۋتات بولىپ سايلانعان.
بۇعان دەيىن باسقارمانى جانات كاكىمسەيىت قىزى قاسىمجانوۆا باسقارىپ كەلگەن. 2012 جىلدىڭ جەلتوقسانىنان باستاپ باسشىلىق ەتىپ كەلگەن جانات قاسىمجانوۆاعا قالا اكىمى ءمىنسىز قىزمەتى ءۇشىن العىسىن جەتكىزدى.
