الماتىدا كوممۋنالدى قىزمەتتەر جاۋعان قاردى تازالاۋدىڭ جاڭا تەحنولوگياسىن پايدالانىپ جاتىر. بۇل تۋرالى قالالىق اكىمدىكتىڭ باسپا ءسوز قىزمەتى حابارلادى.

ايتا كەتۋ كەرەك، بۇگىن تاڭعا جۋىق قالادا قار جاۋا باستادى. قالانىڭ تاۋلى ايماقتارىندا تۇسكەن قاردىڭ بيىكتىگى 15-20 سم-گە جەتتى.

«سۇيىق ەرىتىندىمەن قامتىلعان قۇمسەپكىش كولىكتەر جولدا ىلعالدانعان رەاگەنت گرانۋلالارىن تەگىس توسەپ ءوتىپ جاتىر. مۇنداي توسەمە كولىكتەردىڭ دوڭگەلەگىنەن شاشىرامايدى. وسىنداي كولىكپەن بۇرىنعىدان بەس ەسە ارتىق ايماقتى تازالاپ شىعۋعا بولادى. ءقۇم-حلوريدتى قوسىندىنىڭ بىرنەشە ەسە از جۇمسالاتىنىن ەسكەرسەك، بۇل قورشاعان ورتاعا كەرى اسەرىن دە ازايتا تۇسەدى»، - دەدى قالالىق تابيعي رەسۋرستار جانە تابيعاتتى پايدالانۋ باسقارماسىنان.

ءقازىر تروتۋار ماڭىنداعى قاردى 65 تراكتور تازالاپ جاتىر. بۇل جۇمىسقا سونداي-اق، 585 ادام جۇمىلدىرىلعان.

قۇمسەپكىش كولىكتەر ارقىلى 1895 توننا قۇم-حلوريد قوسىندىسى مەن 91 توننا تەحنيكالىق تۇز سەبىلدى.