KASE تاڭعى سەسسياسىندا دوللار 362،62 تەڭگەگە تەڭ بولدى، - دەپ حابارلايدى Tengrinews.kz ءتىلشىسى. ايتا كەتەيىك، شەتەل ۆاليۋتاسى 30 جەلتوقساننان بەرى قىمباتتاپ جاتىر.

12 قاڭتاردا تاڭعى سەسسياداعى العاشقى كەلىسىم 359 تەڭگەمەن باستالدى. ساۋداداعى ەڭ تومەنگى باعا 358،5 تەڭگە بولدى. ەڭ جوعارىسى 367 تەڭگەگە دەيىن جەتتى. سەسسيا كەزىندە ساۋدا كولەمى 82،9 ميلليون دوللاردان استى. اقشا ايىرباستاۋ ورىندارى بولسا دوللاردى 365-368 تەڭگە ارالىعىندا ساتىپ جاتىر.

ەسكە سالا كەتەيىك، دۇيسەنبى، 11 قاڭتاردا Brent مۇناي ماركاسى 2004 جىلدىڭ ساۋىرىنەن بەرى 32 دوللارعا، ال WTI ماركالى مۇنايى 5 پايىزدان اسا ارزانداعان. ماسكەۋ ۋاقىتى بويىنشا، 20.30 جاعدايىندا سولتۇستىك تەڭىز Brent مۇناي ماركاسىنىڭ ناۋرىز فيۋچەرستەرىنىڭ قۇنى 6،01 پايىزعا - باررەلىنە 31،89 دوللارعا دەيىن ءتۇستى. WTI ماركالى مۇنايدىڭ اقپان ايىنداعى فيۋچەرستەرىنىڭ قۇنى 5،37 پايىزعا ءتۇستى، ياعني باررەلى ءۇشىن 31،38 دوللارعا تەڭ.