"قازاقستان" تەلەارناسى باسشىلىعىنىڭ نازارىنا!
مەنىڭ زاڭگەر دوسىم جاڭابەك ابىشيەۆ كەشە "وسىنداي اتاۋمەن تەلەحابار جۇرگىزۋ كەرەك" دەگەن يدەيا ايتتى. ونىڭ بۇل ويى مەنىڭ ەڭ ءبىر جاندى جەرىمە ءتيىپ كەتتى. سەبەبى، مەن كەشەگى كەڭەس زامانىندا ءبىلىم العان، جۇمىس ىستەگەن ۇرپاق وكىلىمىن. مەن ءۇشىن مالايزياعا بارىپ ءبىلىم الۋ دەگەننىڭ مارتەبە بولعانى - ەستۋگە اۋىر، ايتۋعا ۇيات. 1989 جىلى ءبىز بەينەلەپ ايتساق كوكتە ەدىك، كوپ ەل، ونىڭ ىشىندە ساۋد ارابياسى، ءباا، مالايزيا جەردە ەدى. كازىر ولار - كوكتە، ءبىز - جەردەمىز... جانىڭا باتا ما، باتپاي ما؟
سالىستىرۋ مۇمكىندىگىم بولماسا مەن دە كەيبىر جاس بۋىن وكىلدەرى سەكىلدى "كەرەمەت دامىپ كەتتىك قوي، سىزگە نە كەرەك؟" دەر ەدىم. ءبىر اي بۇرىن ءباا مۇناي ءمينيسترى "ەكسپورتقا مۇناي تيەلگەن سوڭعى تانكەردى جىبەرەتىن جىگىتتەردى ءبىز ءدال كازىر وقىتىپ، تاربيەلەپ جاتىرمىز" دەپ ەدى، كەشە ەندى امىرلىكتىڭ كوسموس اگەنتتىگىنىڭ باسشىسى "2021 جىلى، تاۋەلسىزدىگىمىزدىڭ 50-جىلدىعىنا مارسقا ادام ۇشىرۋعا دايىندالىپ جاتىرمىز" دەيدى. ءبىزدىڭ تالعاتجان بولسا "2025 جىلعا دەيىن "پروتوندار" ۇشا بەرەتىن بولادى" دەيدى. ايتۋعا ۇيالماي ما؟ وسى ارابتار-اق مەنىڭ جانىمدى اۋىرتىپ، ولتىرەتىن بولدى...
ءومىرزاق اقجىگىتتىڭ «فەيسبۋك» پاراقشاسىنان الىندى.
