ق ر پارلامەنتى ءماجىلىسى قازاقستان حالقىنا، ەلباسى نۇرسۇلتان نازاربايەۆقا ءوزىن-وزى تاراتۋ تۋرالى ۇندەۋ جولدادى. ق ر پارلامەنتى ءماجىلىسىنىڭ دەپۋتاتتارىنىڭ پارلامەنت ءماجىلىسى مەن بارلىق دەڭگەيدەگى ءماسليحات دەپۋتاتتارىنىڭ كەزەكتەن تىس سايلاۋىن وتكىزۋ تۋرالى ۇندەۋدىڭ قازاق تىلىندەگى ءماتىنىن دەپۋتات نۇرلان ءابىروۆ، ورىس تىلىندەگى ءماتىندى قازاقستان حالىقتىق كومۋنيستىك پارتياسى فراكسياسىنىڭ دەپۋتاتى ۆ. كوساريەۆ جاريا ەتتى، - دەپ حابارلايدى «قامشى» پورتالى قازاقستاندىق باق-تارعا سىلتەمە جاساپ.
«ءبىز - ماجىلىستەگى «نۇر وتان»، «اق جول»، قازاقستاننىڭ حالىقتىق كوممۋنيستىك پارتياسىنىڭ پارلامەنتتىك فراكسيالارىنىڭ وكىلدەرى، ەلىمىز ءۇشىن ەڭ تاعدىرلى كەزەڭدە تاريحي ءمانى بار ۇندەۋ جاريالاۋ ءۇشىن جينالىپ وتىرمىز. قازاقستان حالقىنا جانە ەلباسىنا جولدايتىن ۇندەۋىمىز ۇلت جوسپارى مەن داعدارىسقا قارسى شارالاردى قاي پارتيانىڭ جۇزەگە اسىرۋىن ايقىندايتىن حالىقتىڭ سەنىم مانداتىن انىقتاپ الۋدى كوزدەيدى»، - دەدى ۇندەۋدى وقىعان ۆ. كوساريەۆ.
