اتىراۋ قالاسىنىڭ پروكۋراتۋراسى بۋكمەكەرلىك كەڭسە نە ينتەرنەت-دامحانا ءتۇرى بويىنشا قىزمەتتى جۇزەگە اسىراتىن 6 كولەڭكەلى ينتەرنەت-ويىنحانانىڭ زاڭسىز جۇمىس ىستەپ جاتقاندىعىن انىقتادى، - دەپ حابارلايدى «قامشى» پورتالى قازاقپاراتقا سىلتەمە جاساپ.

«قازاقستان رەسپۋبليكاسىنىڭ بارلىق اۋماعىنا پايدالانۋشىلاردىڭ ەركىن قولجەتىمدىلىگى بار ينتەرنەت-رەسۋرستاردا ( www.vabank-play.com سايتى) «Va-Bank casino» ينتەرنەت-ويىنحاناسى ورنالاستىرىلعان»، - دەپ حابارلادى ۆەدومستۆونىڭ باسپا ءسوز قىزمەتى.

سونداي-اق، ينتەرنەت-ويىنحانا ورنالاستىرىلعان وسىنداي 5 سايت (www.netbet.com، www.va-bank.kz، www.vulkandelux.com، www.online-vulkan.com، www.Casino-x.com) تابىلدى.

انىقتالعان بۇزۋشىلىقتاردىڭ جولىن كەسۋ ءۇشىن اتىراۋ قالاسىنىڭ پروكۋراتۋراسى اتىراۋ قالالىق سوتىنا شەتەلدىك باق-قا ورنالاستىرىلعان ينتەرنەت-ويىنحانانىڭ 6 سايتىن زاڭسىز دەپ تانىپ، ولاردىڭ قىزمەتىن توقتاتۋ تۋرالى تالاپارىز ەنگىزىلدى.

اتىراۋ قالالىق سوتىنىڭ 2015 جىلعى 18 جانە 28 جەلتوقسانى ارالىعىندا كورسەتىلگەن سايتتاردىڭ ق ر بارلىق اۋماعىنداعى قىزمەتى توقتاتىلدى.