«جۇلدىز بولۋعا 20 فۋت قالعاندا» («20 Feet from Stardom») دەرەكتى ءفيلمى وسكار سىيلىعىن جەڭىپ الدى. بۇل فيلم بەك-ۆوكاليستەردىڭ تاعدىرى تۋرالى باياندايدى. تۋىندى ۇزدىك دەرەكتى فيلم اتاندى، دەپ حابارلايدى The Associated Press.ل

ءفيلمدى «ەممي» سىيلىعىنىڭ لاۋرەاتى مورگان نيەۆيلل ءتۇسىردى. كينوتۋىندىدا بەك-ۆوكاليستەردىڭ داۋسىنىڭ رەي چارلز، تينا تەرنەر جانە ستيۆي ۋاندەر سياقتى جۇلدىزدار ءۇشىن فون رەتىندە عانا قولدانىلماي، وسى جۇلدىزداردى اۆانساحناعا شىعارعانى تۋرالى باياندالدى. لوس-اندجەلەستەگى Dolby تەاترىنىڭ ساحناسىندا جەڭىمپازدى اكتەر برەدلي كۋپەر جاريالادى.

ەستەرىڭىزگە سالا كەتەيىك، بيىلعى جىلى باستى اتالىمدارداعى ەسىمدەر ءتىزىمىنىڭ اراسىندا كىمنىڭ جەڭىمپاز اتاناتىنى ءراسىمنىڭ باستى جاڭالىعى بولماق. لەوناردو ديكاپريو سىيلىقتى الا ما، «12 جىل قۇلدىق» ءفيلمى ۇزدىك اتانادى ما؟ دەگەن قازىرگى كەزدەگى باستى سۇراقتاردىڭ ءبىرى بولىپ تابىلادى. ستيۆ ماككۋيننىڭ تۋىندىسىنىڭ توعىز اتالىم بويىنشا جەڭىمپاز اتانۋعا مۇمكىندىگى بار، ءبىراق ينسايدەردىڭ (Vanity Fair ءجۋرناليسى پەگگي سيگەل) ايتۋىنشا، داۋىس بەرۋگە قاتىسقان التى مىڭ اكادەميكتىڭ كوبى بۇل ءفيلمدى كورمەگەن.

"BNews.kz"