الماتىنىڭ قوعامدىق كولىكتەرىنە ەنگىزىلگەن «وڭاي» ەلەكتروندى بيلەتتەندىرۋ جۇيەسىنە قالا تۇرعىندارىنىڭ شاعىمى كوبەيۋدە، - دەپ حابارلايدى «قامشى» پورتالى «الماتى ەلەكتر كولىگى» جشس-نىڭ باسپا ءسوز قىزمەتىنە سىلتەمە جاساپ.
باسپا ءسوز قىزمەتىندەگىلەر ەلەكتروندى جۇيە ەنگىزىلگەلى بەرى تۇرعىنداردان كومپانيانىڭ WhatsApp جەلىسىندەگى 8 705 174 5031 نومىرىنە جۇزدەن استام شاعىم كەلىپ تۇسكەن.
«كۇنى بۇگىنگە دەيىن قالاداعى جولاۋشىلاردان جۇرگىزۋشىلەردىڭ اقشا جينايتىنى تۋرالى 119 شاعىم كەلىپ ءتۇستى. ونىڭ 14ء-ى مۋنيسيپالدى اۆتوپاركتىڭ اۆتوبۋستارى مەن تروللەيبۋستارىنا قاتىستى، قالعانى باسقا تاسىمالداۋشى كومپانيالاردىڭ جۇمىسىنا قاتىستى»، - دەلىنگەن حابارلامادا.
كومپانيا وكىلدەرى اتالعان شاعىمداردىڭ جەردە قالمايتىنىن، ءاربىر ايىپتى تارتىپتىك كەڭەستە قارالىپ، جازالاناتىنىن ايتۋدا.
ايتا كەتەر بولساق، الماتى قالاسىنداعى قوعامدىق كولىكتەر 11 قاڭتاردان باستاپ «وڭاي» ەلەكتروندى بيلەتتەندىرۋ جۇيەسىنە كوشتى. ارنايى ەلەكتروندى كارتا الماعان جولاۋشىلار ءالى كۇنگە جول اقىسىن اۆتوبۋس جۇرگىزۋشىلەرى مەن كوندۋكتورلارعا تولەۋدە.
