قازاق حاندىعىنىڭ 550 جىلدىعىنا وراي اشىلعان «نازاربايەۆ نۇرسۇلتاننىڭ نۇرلى جولى» رەسپۋبليكالىق قوعامدىق بىرلەستىگى ءوز جۇمىسىن باستادى. تالدىقورعانداعى جۋرناليستەر ءۇيىنىڭ ءماجىلىس زالىندا ارنايى باسپا ءسوز ءماسليحاتىن وتكىزگەن قوعامدىق بىرلەستىك مۇشەلەرى تىلشىلەر قاۋىمىنىڭ قويعان سۇراقتارىنا جاۋاپ بەرىپ، بىرلەستىك  جۇمىس  جوسپارىمەن تانىستىردى، - دەپ حابارلايدى «قامشى» پورتالى.

قوعامدىق بىرلەستىكتىڭ نەگىزگى ماقساتى - ەلباسىمىزدىڭ ەڭبەكتەرى مەن كىتاپتارىن «نازاربايەۆ نۇرسۇلتاننىڭ نۇرلى جولى» ايدارىمەن جيناقتاۋ، زەرتتەۋ، مازمۇنىن جاستارعا ناسيحاتتاۋ، شەت تىلدەرىنە اۋدارۋ، مەكتەپ پەن جوعارى وقۋ ورىندارىنىڭ وقىتۋ باعدارلاماسىنا ەنگىزۋ سەكىلدى اسا اۋقىمدى جۇمىستاردى قامتيدى. وسىعان بايلانىستى قازاق مادەنيەتى حان مادەنيەتىن جاڭعىرتۋعا، ناسيحاتتاۋعا، دامىتۋعا وراي يگى شارالار جۇزەگە اسىرىلادى. سونىمەن قاتار، قوعامدىق بىرلەستىكتىڭ جۇمىسىنا ەلباسى رۇقسات بەرىپ، پرەزيدەنت كەڭسەسىنىڭ باسشىسى ماحمۇد قاسىمبەكوۆ قولداۋ كورسەتكەن.

«نازاربايەۆ نۇرسۇلتاننىڭ نۇرلى جولى» رەسپۋبليكالىق قوعامدىق بىرلەستىگىنىڭ اشىلۋىنا ارنالعان باسپا ءسوز ءماسليحاتىندا بىرلەستىك پەرزيدەنتى ءانۋار قابدولدا، بىرلەستىك حاتشىسى اسىلان قوڭىرحانوۆ ءسوز سويلەپ، جاس اقىن جاناتبەك ايدارالى  جىردان شاشۋ شاشتى.

    ۇلى دالا ۇرانى

نازاربايەۆ نۇرسۇلتاننىڭ نۇرلى جولى

 تەكتىلىكتەن تەكتى جول.

 ىزگىلىكتەن ىزگى جول.

ۇلى شىڭعىس مۇراتى،

ءالميساقتان اتا جول.

قاسىمحاندا قاسقا جول.

ەسىمحاندا ەسكى جول.

جەتى جارعى ءاز تاۋكە،

قاسيەتتى قازاق جول.

 بەيبىت جولى  بەكەم جول.

تىنىشتىعىڭ تۋرا جول.

ۇلى دالا ۇرانى،

نۇرسۇلتاندا نۇرلى جول.

سان عاسىرلار سارا جول.

دارحان مىنەز دارا جول.

بەيبىت ءۇشىن شىر ەتىپ،

بەلىن بۋعان جاڭا جول.

شاڭ قاپتىرماي شاپشاڭ جول.

ەل بىرلىگىن تاپقان جول.

تىنىشتىقتى تۋ ەتىپ،

داۋدىڭ جولىن كەسكەن جول.

تاۋ بالاسى كوشكەن جول.

قالا ۇستاپ وسكەن جول.

استاناسىن سالدىرىپ،

توبەسى كوككە جەتكەن جول.

ەۋرازيا توبە جول.

ازياعا اعا جول.

ءدىن مەن ءدىلدى ءبىر ەتكەن،

ادامزاتقا دانا جول.

ۇلى دالا ۇرانى

نۇرسۇلتاندا نۇرلى جول!                

ءانۋار قابدولدا