الماتى اكىمدىگى كوكتەمدەگى قار سۋىنىڭ كەدەرگىسىز ءوتۋى ءۇشىن ەسەنتاي وزەنىن تازالاۋ جۇمىستارىن جالعاستىرۋدا، - دەپ حابارلايدى «قامشى» پورتالى قازاقپاراتقا سىلتەمە جاساپ.

قالالىق كوممۋنالدى قىزمەت وكىلدەرى بوستاندىق اۋدانىن كورىكتەندىرۋ جۇمىستارىنىڭ اياسىندا ەسەنتاي وزەنىنەن 5 توننا لاي ماسساسىن شىعاردى.

نەگىزگى جۇمىستار وزەننىڭ ءال-فارابي كوشەسىنەن تيميريازيەۆ كوشەسىنە دەيىنگى 1 شاقىرىمداي اۋماعىندا ءجۇردى. مامانداردىڭ ايتۋىنشا، وزەندەگى 7 كاسكادتىڭ 70-90%-ى قۇم-بالدىرمەن كومىلىپ قالعان.

«قازسەلدەنقورعاۋ» كاسىپورنىنىڭ جۇمىسشىلارى 1 ەكسكاۆاتور مەن 1 جۇك كولىگى، «الماتى تازالىق» كاسىپورنى 6 جۇك كولىگى، قۇتقارۋ قىزمەتى 1 اۆتوكران قوقىس شىعاردى.

وزەننىڭ باسقا بولىكتەرىن تازالاۋ مامىر ايىنا بەلگىلەندى.

سانيتارلىق تازالاۋ جۇمىستارىنا بوستاندىق اۋدانى كوممۋنالدىق قىزمەتىنىڭ 7 بىرلىك تەحنيكاسى مەن 60 قىزمەتكەرى جۇمىلدىرىلدى.

«الماتىەكولوگوستروي» مكك ەسەنتاي وزەنىندە تەحنيكالىق قۇرىلعىلاردىڭ احۋالىن تەكسەرىپ جاتىر.

قازىرگى تاڭدا «109» قىزمەتى اۋداندىق اكىمدىكتەرمەن بىرىگە وتىرىپ، ۇلكەن جانە كىشى الماتى، ەسەنتاي، ابىلعازى، اقساي، قارعالى، تىكساي وزەن-كولدەرىنىڭ باسسەيندەرىندە توتەنشە جاعدايدىڭ الدىن الۋ جوسپارىن قۇراۋدا.