الماتى وبلىسىندا جوعارى سىنىپ وقۋشىلارىنا سەكسۋالدىق قىسىم تانىتتى دەلىنگەن مەكتەپ ءمۇعالىمىنىڭ ۇستىنەن قىلمىستىق ءوندىرىس قوزعالدى، - دەپ حابارلايدى «قامشى» پورتالى Tengrinews.kz – كە سىلتەمە جاساپ.
قىلمىستىق ءوندىرىس رەسپۋبليكالىق داعدارىس ورتالىقتارىنىڭ بىرىنەن پوليسيا بولىمشەسىنە كەلىپ تۇسكەن حابارلامادان كەيىن باستالدى. وسى دەرەك بويىنشا ۇيعىر اۋدانىنداعى مەكتەپتەردىڭ ءبىرىنىڭ مۇعالىمىنە كۇدىك كەلىپ وتىر.
"رەسپۋبليكالىق ۇلتتىق جەلىسىنىڭ سەنىم تەلەفونىنا انونيمنەن قوڭىراۋ ءتۇستى. ءبىزدىڭ قىزمەتكەرلەر اقپاراتتى تەكسەرىپ جاتىر. تەرگەۋ نەگىزىنە ۇيالى تەلەفونعا تۇسىرىلگەن ۆيدەو مەن ءتورت وقۋشىنىڭ بەرگەن تۇسىنىگى الىندى"، - دەدى وبلىستىق ءىىد وكىلدەرى. ۇيعىر اۋداندىق ءىىب قىزمەتكەرلەرى كۇدىكتىدەن جاۋاپ الۋ ۇستىندە.
