Kolesa.kz سايتىنىڭ ساراپشىلارى قازاقستاننىڭ قولدانىستا بولعان اۆتوموبيلدەرى نارىعىنداعى بەلسەندىلىكتىڭ تومەندەگەنىن ايتتى.

2015 جىلى اۆتوموبيل نارىعىندا بىرنەشە ماڭىزدى وقيعا بولدى:

رەسەيدەن جاڭا جانە قولدانىستا بولعان اۆتوموبيلدەردىڭ جاپپاي اكەلىنۋى؛ اۆتوسالونداردا كولىك ساتىلىمىنىڭ كۇرت باسەڭدەۋى (بۇعان مەملەكەتتىك باعدارلامالار دا، اۆتونەسيەلەۋ دە بوگەت بولا المادى)؛

تەڭگە باعامىنىڭ تومەندەۋى.  

"كوپتەگەن ساتۋشىعا ەكى ماسەلە جازدىڭ سوڭىنا دەيىن شەشۋسىز قالدى: ساتىلاتىن ءاۆتوموبيلدىڭ باعاسى قانداي بولۋ كەرەك جانە ونى ءقازىر قانداي ۆاليۋتامەن ساتقان قولايلى؟ كوپ ادام كولىكتەرىن ساتۋعا دا، ساتىپ الۋعا دا اسىقپادى"، - دەدى باسىلىم ماماندارى.

وتكەن جىلدىڭ باسىندا سايتتا ءاۆتوموبيلدىڭ ساتىلاتىنى تۋرالى جارناما سانى جارتى ميلليونعا جۋىق بولسا، جىل سوڭىنا قاراي ول 350-360 مىڭعا دەيىن ازايعان. اۆتوموبيل ساتىلىمىنىڭ شارىقتاۋ شىڭى اقپاندا بولىپتى.

ال قىركۇيەك ايىندا سايتتا اۆتوموبيل ساتۋ تۋرالى 339 810 جارناما عانا جاريالاندى. قازان ايىندا بۇل كورسەتكىش 352 951-گە جەتتى. ساراپشىلار اۆتوموبيل ساتىلىمىنىڭ ازايۋى ۇلتتىق ۆاليۋتانىڭ قۇلدىراۋىمەن تىكەلەي بايلانىستى دەپ وتىر.