مەرزىمىنەن بۇرىن سايلاۋ وتكىزۋ كونستيتۋسيالىق نورمادا بار. بۇل جونىندە «ەۋروپا قۇقىعى جانە ادامزات قۇقىعى ينستيتۋتى» قوعامدىق بىرلەستىگىنىڭ ديرەكتورى، پروفەسسور، زاڭ عىلىمدارىنىڭ دوكتورى مارات ءباشىموۆ ايتتى.
دەپۋتاتتار وسىدان بىر-ەكى كۇن بۇرىن مەرزىمىنەن بۇرىن سايلاۋ وتكىزۋ تۋرالى ۇندەۋ جاريالادى. زاڭ تۇرعىسىنان الساق، ءبىزدىڭ كونستيتۋتسيادا مۇنداي نورما بار. كونستيتۋسيالىق كەڭەستىڭ ءتوراعاسى اتا-زاڭعا ساي ەكەنىن انىقتاعان سوڭ، مەملەكەت باسشىسى، پارلامەنتتىڭ قوس پالاتاسىنىڭ ءتوراعاسى جانە ۇكىمەت باسشىسى كەلىسىم بەرەدى. وزدەرىڭىز كوردىڭىزدەر، پارلامەنتتەگى ءۇش پارتيانىڭ وكىلدەرى ءبىراۋىزدان مەرزىمىنەن بۇرىن سايلاۋ وتكىزۋدى قولدادى. ەگەر ءتىپتى ءبىر دەپۋتات قارسى شىعاتىن بولسا، وندا مەرزىمىنەن بۇرىن سايلاۋ وتپەيدى. بۇل جەردە بارلىعى قولدادى. سوندىقتان زاڭدىق تۇرعىدان بارلىعى دا كونستيتيتۋسيالىق نورماعا سايكەس»، - دەيدى م.ءباشىموۆ.
زاڭگەر مەرزىمىنەن بۇرىن سايلاۋ وتكىزۋ ارقىلى مەملەكەتتىڭ الدىندا تۇرعان ستراتەگيالىق جوسپارلاردى جۇزەگە اسىرا الامىز دەپ سانايدى.
«ەگەر ەلباسى دەپۋتاتتاردىڭ ۇندەۋىن قولداپ، كەلىسىم بەرەتىن بولسا، پارلامەنتكە بەلسەندى، ءبىلىمدى جاستاردى جيناۋعا مۇمكىندىك تۋادى. كرەاتيۆتى، جاڭا زاماننىڭ ەرەجەلەرىن بىلەتىن، «بولاشاق» باعدارلاماسىمەن وقىپ كەلگەن جاستارىمىز كوپ. سولارعا مۇمكىندىك بەرىلەدى»، - دەيدى م.ءباشىموۆ.
