بەيسەنبى كۇنى ورال-ساراتوۆ جولىندا «لەكسۋس» اۆتوكولىگىنىڭ 1989 جىلعى جۇرگىزۋشىسى كولىك رۋلىنە يە بولا الماي، قارسى بەتكە شىعىپ كەتىپ، 1974 جىلعى جۇرگىزۋشى ايداپ كەلە جاتقان «تويوتا پرادو» اۆتوكولىگىمەن سوقتىعىستى، - دەپ حابارلايدى «قامشى» پورتالى قازاقپاراتقا سىلتەمە جاساپ.

بقو ىشكى ىستەر دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، جول-كولىك وقيعاسىنان «لەكسۋس» اۆتوكولىگىنىڭ قوس جولاۋشىسى ورال قالاسىنداعى وبلىستىق كلينيكالىق اۋرۋحاناسىنىڭ جانساقتاۋ بولىمىندە كوز جۇمدى. قوس كولىكتىڭ جۇرگىزۋشىلەرى ءتۇرلى جاراقاتپەن سول وبلىستىق اۋرۋحاناعا جاتقىزىلدى.

اتالعان دەرەك بويىنشا ق ر قك 345-بابى 4-بولىگىنە (ەكى ادامنىڭ ولىمىنە سوقتىرعان جول قوزعالىسى مەن كولىك قۇرالدارىن پايدالانۋ ەرەجەسىنىڭ بۇزىلۋى) سايكەس سوتقا دەيىنگى تەرگەۋ امالدار جۇرگىزىلۋدە.
ەسكە سالا كەتەيىك، وڭىردە سول كۇنى قار تولاسسىز جاۋىپ، جەل كۇشەيىپ، بوران بولعان ەدى.