اقتاۋ قالاسىندا ۇشەم دۇنيەگە كەلدى. نارەستەلەردىڭ ۇشەۋى دە – قىز، - دەپ حابارلايدى «قامشى» پورتالى 24-ارناعا سىلتەمە جاساپ.
نارەستەلەردىڭ ۇشەۋى دە – قىز. اتا-اناسى ولارعا رايانا، دايانا جانە ايانا دەگەن ەسىم قويىپتى. سابيلەردىڭ ءارقايسىسىنىڭ ورتاشا سالماعى 2 كەلىدەن اسادى. بۇعان دەيىن ەكى ۇلدى ومىرگە اكەلگەن 33 جاستاعى ءاقبيبى وتەپوۆا – ەندى كوپبالالى انا. 3 قاڭتاردا دۇنيە ەسىگىن اشقان سابيلەر مەن اناسى 12 كۇن بويى دارىگەرلەردىڭ باقىلاۋىندا بولىپ، ۇيىنە جىبەرىلدى. ماماندار مەرزىمىنەن ەرتە بوسانعان انا مەن بالالاردىڭ جاعدايى ءبىرقالىپتى دەپ وتىر. جىل باسىنان بەرى وڭىردە 771 ءسابي ومىرگە كەلىپتى. ايماقتاعى التىن قۇرساقتى انالار بىلتىر 20 مىڭعا جۋىق بالانى جارىق دۇنيەگە اكەلىپ، ماڭعىستاۋ حالقىنىڭ سانى 3،5 پايىزعا كوبەيگەن. ولاردىڭ 113ء-ى ەگىز بولسا، ۇشەۋى – ۇشەم.
ءاقبيبى وتەپوۆا، ۇشەمنىڭ اناسى:
- 11 اپتاسىندا ۇشەم بولاتىنىن ءبىلدىم. وندا دا سەنە قويمادىم. ەكىنشى تەكسەرۋگە بارعاندا كىم بولاتىنىن ناقتى ايتتى. ريزامىن. 2 ەر بالام بار. ەندى ۇشەم بولعان سوڭ، كوپبالالى انالاردىڭ قاتارىنا قوسىلىپ جاتىرمىن. قىز-كەلىنشەكتەرگە دە وسىنداي باقىت تىلەيمىن! روزا بادانوۆا، وبلىستىق پەريناتالدىق ورتالىعى ديرەكتورىنىڭ ورىنباسارى: - بالالاردى امان ساقتاپ قالۋ ماقساتىندا بوسانۋ وپەراسيا جاساۋ جولىمەن اياقتالدى. بالالاردىڭ سالماقتارى 7 ايلىق سالماعىنا ساي كەلەدى. بالالار سالماق قوستى، دەندەرى ساۋ. كەرەكتى تەكسەرۋدەن ءوتتى. اناسىنىڭ جاعدايى جاقسى، ءسۇتى جەتكىلىكتى. ءوزىمىزدىڭ ەسەبىمىز بويىنشا، بالالار ءارى قاراي جاقسى دامىپ كەتەدى دەپ ويلايمىز.
