اۆستراليا پروفەسسورى دجەنني گرەيۆس بولاشاقتا جەر بەتىندە ەر ادامدار جويىلۋى مۇمكىن دەپ ەسەپتەيدى.

ونىڭ ەسەبىنشە، جىل سايىن دۇنيەگە كەلەتىن بالالاردىڭ سانى ازايىپ، بەس ميلليون جىلدان كەيىن ولار تۇبەگەيلى جويىلادى. بۇل جىنىستار اراسىنداعى ايىرماشىلىققا جاۋاپ بەرەتىن  Y-حروموسوماسىنىڭ بۇزىلۋى سالدارىنان بولادى. گرەيۆستىڭ ايتۋىنا قاراعاندا، ادام ەۆوليۋسياسى كەزىندە ول گەننىڭ شامامەن 90 پايىزىن جوعالتتى جانە بۇل ۇدەرىس جالعاسىپ كەلەدى.

ەرلەر دنك-سىندا  XY جۇبى، ال ايەلدەردە XX بولعاندىقتان، ايەلدەر حروموسوماسى زاقىمدانعان بولىكتەرىن الماستىرا الادى. ەرلەردە مۇنداي قاسيەت جوق.  ءسويتىپ، ەرلەردىڭ گەندەرى ازايىپ بارادى. بۇگىندە ەرلەردىڭ  Y-حروموسوماسىندا  100-گە جۋىق گەن بار، بۇرىن ونىڭ سانى 1000 جانە ودان دا ارتىق بولعان.

بۇگىندە ءاربىر 100 مىڭ ەر ادامنىڭ اراسىندا 4-5 ۇل دە ليا شاپەليا سيندرومىمەن تۋادى. ولاردا Y-حروموسوماسى جوق، ال ەرلەردىڭ گەنى بىرەۋ بولادى نەمەسە 2 X-حروموسوماسى بولادى. دە ليا شاپەليا سيندرومى بار ادامداردىڭ سىرت كەلبەتى ايەلدەرگە ۇقساس، وكىنىشكە قاراي ولار بالا سۇيە المايدى، دەپ جازادى بريتانيانىڭ Daily Mail گازەتى.