بەرليندە تاياۋ شىعىستان كەلگەن بىرنەشە بوسقىن رەسەيدىڭ تۋماسى دەلىنگەن 13 جاستاعى قىزدى جابىلىپ زورلاعان. جانتۇرشىگەرلىك وسى وقيعا رەسەيلىك نەمىستەردىڭ حالىقارالىق كونۆەنتىنىڭ سايتىندا جاريا بولدى، - دەپ حابارلايدى "قامشى" پورتالى. قىزدىڭ ايتۋىنشا، ونى كەم دەگەندە بەس ادام ۇستاپ الىپ، كولىككە سالىپ، كەيىن كوزىن بايلاعان. كەيىن بوس پاتەرگە اكەلگەن، بولمە ىشىندە ءبىر عانا توسەك ورنى بار ەكەن. وسىدان كەيىن، قىزدىڭ ايتۋىنشا، ولار ونى 30 ساعات بويى زورلاپتى. ەس-تۇسسىز قىزدى بوسقىندار بەرليندەگى اۋدانداردىڭ بىرىندە تاستاپ كەتىپتى. بەرلين پوليسياسى بۇل مالىمەتتى رەسمي تۇردە راستامادى. قىزدىڭ مەكتەپكە بارا جاتقان كەزىندە جوعالىپ كەتكەنى ايتىلادى. ونىڭ تۋىستارى قىزدى ءبىر تاۋلىكتەن كەيىن تاپقانىن ايتادى. قىزدىڭ اعاسى بولسا پوليسيانىڭ بۇل وقيعاعا قاجەتتى تۇردە نازار اۋدارماعانىن، سوندىقتان باق-تىڭ كومەگىنە جۇگىنۋگە تۋرا كەلگەنىن حابارلاعان. تەلەارنا تىلشىلەرىنىڭ مالىمەتىنشە، Facebook الەۋمەتتىك جەلىسىندە تۇر-كەسكىنى ارابتارعا ۇقساس ەر ادامنىڭ قىزدى زورلاعانىن مويىنداعان ءساتى بەينەلەنگەن ۆيدەو جاريا بولدى.