بۇگىنگى قور نارىعىنداعى تاڭعى ساۋدادا اقش دوللارى بىردەن 13 تەڭگەگە قىمباتتاپ، جاڭا باعام 372،58 تەڭگەنى قۇرادى، - دەپ حابارلايدى «قامشى» پورتالى.
كۇنى كەشە يرانعا اقش تاراپىنان قويىلعان سانكسيالاردىڭ الىنىپ تاستالۋىنا بايلانىستى مۇناي باعاسىنىڭ قۇلدىرايتىنى، سوعان ساي مۇناي ەكسپورتتاۋشى ەلدەر ءوز ۆاليۋتالارىن قۇنسىزداندىراتىنى بولجانعان بولاتىن. سول بولجام بەكەرگە شىقپادى.
بۇعان دەيىن اقش ۆاليۋتاسى باعامىنىڭ ەڭ جوعارعى شەگى 12 قاڭتار كۇنى 367،61 تەڭگەنى قۇراعان ەدى. ال، 15 قاڭتار كۇنى تەڭگە ءبىرشاما نىعايىپ، دوللارعا شاققانداعى باعامى 359،3 تەڭگەنى قۇرادى. مۇنى كوپ ەلدەر ءماجىلىس سايلاۋىن وتكىزۋ تۋرالى باستامانىڭ شىعۋىمەن بايلانىستىردى.
