رەسەي پوستينۋدستريالدى قوعامدى زەرتتەۋ ورتالىعىنىڭ ديرەكتورى ۆلاديسلاۆ ينوزەمسيەۆ رەسەي پرەزيدەنتى ۆلاديمير ءپۋتيننىڭ جۇرگىزىپ وتىرعان ساياساتىن سىنعا الدى، - دەپ حابارلايدى «قامشى» پورتالى ربك-عا سىلتەمە جاساپ.

ساياساتتانۋشى اتاپ ايتقاندا، 2000 جىلدىڭ باسىندا (پۋتين بيلىككە كەلگەن ۋاقىت – رەد.) بيلىك باسىنداعىلاردىڭ رەسەيدى جۇڭگو سىندى قارقىندى ەكونوميكا يەسى ەتە الماسا دا، ەكىنشى ەميرات جاساۋعا مۇمكىندىگى بولعان.

«بۇگىنگى باررەلىنە 31 دوللاردى قۇراعان مۇناي مەن 77 رۋبلگە تەڭەلگەن دوللار رەسەيلىكتەردىڭ ءۇش ۇيىقتاسا تۇسىنە كىرمەيتىن ەدى. ءبىراق، ءقازىر بۇل قالىپتى جاعداي رەتىندە قابىلدانۋدا. بۇل ەڭ الدىمەن كرەملگە 16 جىل بۇرىن كەلگەن ۆ. ءپۋتيننىڭ كەسىرى»، - دەيدى ۆ. ينوزەمسيەۆ. ونىڭ ايتۋىنشا، مۇنايدان باسقا سەنەرى جوق رەسەيدىڭ وسال ەكونوميكاسى ءپۋتيننىڭ تارتىستارى سالدارىنان الەمدىك قاۋىمداستىقتىڭ قىسىمىنا ۇشىراعان.

سونداي-اق، ساياساتتانۋشى پۋتين بيلىگىنىڭ 17 جىلىنداعى جان باسىنا شاققانداعى ىشكى جالپى ءونىمدى دوللارعا شاقسا، 2005 جىلعى دەڭگەيدە قالعانىن ايتادى.

«2016 جىلعا ارنالعان ءىجو بولجامى 77،2 ترلن رۋبل. 79 رۋبلدىك دوللار باعامىنا شاقساق، بۇل 2006 جىلعى 26،7 ترلن رۋبلگە (ول كەزدەگى دوللار باعامى 27،17 رۋبل بولاتىن) تەڭ كەلەدى»، - دەيدى ول.

سونداي-اق، سوڭعى ءۇش جىلدا رەسەيدەن 280 ملرد دوللار قاراجات سىرتقا كەتكەن. اسكەري بيۋدجەت ەسەسىنە 7،5 ەسەگە ارتقان. سوڭعى جىلدارى رەسەي باستاعان ەكى سوعىس تا رەسەيدىڭ پايداسىنا شەشىلەتىن ءتۇرى جوق.

ساياساتتانۋشى، پۋتين بيلىك ەتكەن جىلدارداعى مۇناي باعاسىنىڭ شارىقتاۋى ونىڭ حالىق الدىندا بىلىكتى باسشى رەتىندەگى ءيميدجىن جاساۋعا اسەر ەتكەنىن ايتادى. 2000-2014 جىلدار ارالىعىندا مۇناي باعاسى 28،5 دوللاردان 102 دوللارعا وسكەن. ەتى باسشى بولسا، بۇل مۇمكىندىكتەردى شەبەر پايدالانىپ، بىرنەشە جىلدىق وسىمگە نەگىز بولاتىن ەكونوميكالىق جۇيە قۇرۋعا بولار ەدى.

بۇدان باسقا ساراپشى رەسەيدىڭ ينفراقۇرىلىمىنىڭ دامىماي قالعانىن كورشى جۇڭگو مۇمكىندىكتەرىمەن سالىستىرا وتىرىپ، سىنايدى.

رەسەيىڭ ءبىلىم جۇيەسى دە بۇگىنگى زامان تالاپتارىنا جاۋاپ بەرەتىن دەڭگەيدە ەمەس كورىنەدى. مەملەكەتتىك اپپارات جۇمىسى، الەۋمەتتىك باعدارلامالار دا ساتسىزدىكتەرگە ۇشىراۋدا.

وسىنداي بىرنەشە باعىتتا ايتۋلى كەمشىلىكتەردى تىزبەلەي كەلە، ساياساتتانۋشى ويىن «ەلدى كوپ سويلەيتىن، ءبىراق، قولىنان ناقتى ەشتەڭە كەلمەيتىن ادام 10 جىلدان ارتىق باسقارىپ وتىر. ول ءوز مۇمكىندىكتەرىنە ەمەس، سىرتقى فاكتورلارعا ارقا سۇيەيدى. بۇل – دەرجاۆالىق شاراسىزدىق» دەپ قورىتادى.