قىتايدىڭ گان-دجان قالاسىنىڭ تۇرعىنى قىتايدىڭ ۇساق نومينالدى اقشالارىن جيناپ، كولىك ساتىپ الماق بولعان. جيناعان اقشاسىن جۇك كولىگىنە تيەگەندە، جارتى توننا سالماق تارتقان. بۇل تۋرالى قىتايدىڭ «شالقار» سايتى حابارلادى.

سايتتىڭ جازۋىنشا، 11 قاڭتار كۇنى تۇستەن كەيىن گان-دجان قالاسىنىڭ تۇرعىنى اقشا تيەلگەن جۇك ماشيناسىمەن كولىك سالونىنا بارىپ، ءوزىنىڭ جەڭىل اۆتوكولىك ساتىپ الاتىنىن ايتقان. بۇل اقشانى كورگەن سالونداعىلار اڭ-تاڭ بولعان.

ماشينا ساتۋ ورتالىعىنىڭ باسشىسى گۋاڭ يۋان مىرزا بىرنەشە قىزمەتكەرىن كومەككە شاقىرىپ، اقشانى ساناي باستايدى. اقشا جەكە-جەكە بۋمالارعا ورالعان ەكەن. ولاردىڭ ىشىندە 10، 20، 50 تيىندىق اقشالارمەن قاتار، ەڭ ۇلكەن سوماداعى بانكوتا 1 يۋان بولعان. بۇدان باسقا ءتۇرلى نومينالدى ۇساق باقىر اقشالار دا بولعان. تەك ۇساق تيىنداردىڭ ءوزى 80 مىڭ ءيۋاندى قۇراعان.

اقشانىڭ كوپتىگى سونشا، ونى ساناپ جاتقاندا سالوننىڭ ءىشىن اقشانىڭ ءيسى الىپ كەتكەن.

قازاقستاننىڭ ۇلتتىق ۆاليۋتاسىندا بار نومينالدارمەن ەسەپتەسەك، بۇل جاعداي 15 مىڭ دوللار كولەمىندەگى اقشانى 50 تەڭگەلىك مونەتالارمەن جيناعانمەن تەڭ.