«ءسىز نە ويلايسىز؟» دەگەن «فەيسبۋكتىڭ» سۇراعىنا  جاۋاپ.

«فەيسبۋككە» تىركەلۋىمە  بىردەن-بىر  سەبەپكەر بولعان دارىندى جاس،  تانىمال  «قامشى» پورتالىنىڭ باسشىسى ءارى نەگىزىن  قالاۋشى ءبىلال  قۋانىش باۋىرىمىز.

ول:–«ءسىز الەۋمەتتىك  جەلىلەردى  كوپ  قارامايدى ەكەنسىز.  بىزدە  شىققان   ماتەريالدارىڭىزدى «فەيسبۋككەدە»  سالامىز.  پىكىر بىلدىرۋشىلەرىڭىز  كوپ»،- دەدى، ەكى-ۇش جىل  بۇرىن   الماتى  قالاسىندا  كەزدەسكەندە.  2015 جىلدىڭ  باسىنان «فەيسبۋكتى» ارا-تۇرا  قارايتىن  بولدىم. ال،  ونىڭ  مول  مۇمكىندىكتەرىنىڭ  بارىنا  «ۇلى  دالا  ەلى-ۇلتتىق  رۋحانياتتىڭ مەكەنى» اتتى  پاتريوتتىق  ءىس-شارانى  2016 جىلدىڭ  12 قاڭتارى   كۇنى   الماتى  قالاسىندا  وتكىزۋ  بارىسىندا  كوزىم  جەتتى. ءبىز،  جينالىسقا الماتىلىقتاردى  «فەيسبۋك» ارقىلى   شاقىردىق.  سونىڭ  ناتيجەسىندە   ادامدار  شاراعا   كوپ  جينالدى. 

ال، وسى «فەيسبۋكتىڭ» «ءسىز نە  ويلايسىز؟» دەگەن ساۋالىندا  تۇسىنگەن   جانعا وتە تەرەڭ ماعىنا جاتقانى   انىق.  شىنىندا، مەن نەنى  ويلايمىن. ارينە، بىرىنشىدەن،    ازامات رەتىندە  وتانىمنىڭ  بۇگىنى مەن  بولاشاعىن   ويلايمىن. مەنىڭ  تۋعان  وتانىم- قازاقستان  رەسپۋبليكاسى! ول تۋرالى  اۋرۋحانادا   قينالىپ  جاتقاندا  جازعان  «وتان» اتتى   اڭگىمەم  بار. سونىمەن   سىزدەردى  تانىستىرايىن...

ەڭ  الدىمەن، رەسپۋبليكامنىڭ   بۇگىنى مەن  بولاشاعىنىڭ  ادىلەتتى   بولعانىن   قالايمىن.

ەكىنشىدەن،  تۋعان  مەملەكەتىمدە ەكونوميكا مەن يدەولوگيا   قىران  قۇستىڭ   قوس  قاناتىنداي   بىردەي  بولعانىن  قالايمىن.  ۇلى  دالا  ەلىندە  ۇلتتىق  رۋحانياتتىڭ  بەرىك  قالىپتاسۋىن  قالايمىن.

ۇشىنشىدەن،  قاسيەتتى  جەرىمىزدى     جەمقورلار مەن جەزوكشەلەردەن  تازارتۋ. ولاردى ءولىم  جازاسىنا  تارتۋ    ءتىرى  قالعان جەمقورلار مەن  جەزوكشەلەرگە  تەرىس باتا بەرىپ،  تەرىس  اتقا  مىنگىزىپ  بارسا  كەلمەسكە   جەر  اۋدارىپ، قوعامدى  لاس  ادامداردان   ارىلتىپ وتىرۋ   كەرەك.

تورتىنشىدەن، بالالارىممەن  نەمەرەلەرىمنىڭ بولاشاعى  قالاي  بولادى دەپ الاڭدايمىن.  ولار  قانداي  قوعامدا  ءومىر   سۇرەدى؟  اكەم،  مارقۇم تۇگەل  مىنا ءسوزدى ءجيى  قايتالاپ  ايتىپ  وتىراتىن: «ازامات تازا  بولۋ  كەرەك.  ازاماتتار  تازا   بولسا،  قوعام  تازا  بولادى.  قوعام    تازا  بولسا،   مەملەكەتىمىز  مىقتى  بولادى».

بەسىنشىدەن، قازاقتىڭ  ءاربىر ۇيىندە ىرىس پەن بەرەكە،  قۋانىش پەن  شاتتىق،  مولشىلىق پەن  باقىت  بولعانىن   قالايمىن.

سادىبەك تۇگەل

 «ۇلى  دالا  قىراندارى» رەسپۋبليكالىق  قوعامدىق   مادەني-الەۋمەتتىك  قوزعالىسىنىڭ  تەڭ  ءتوراعاسى،  ق ر ەڭبەك  سىڭىرگەن  قايراتكەرى،  جازۋشى.

 «وتاۋ تۇسكەن» اۋىلى