قازاقستان پرەزيدەنتى نۇرسۇلتان نازاربايەۆ پارلامەنت سەناتى مەن ءماجىلىسىنىڭ ءتوراعالارى قاسىم-جومارت توقايەۆ پەن قابيبوللا جاقىپوۆ، پرەمەر-مينيستر كارىم ءماسىموۆ، پرەزيدەنت اكىمشىلىگىنىڭ باسشىسى نۇرلان نىعماتۋللينمەن كەڭەس وتكىزدى، - دەپ حابارلايدى «قامشى» پورتالى.

مەملەكەت باسشىسى  ءماجىلىس دەپۋتاتتارىنىڭ پارلامەنت سايلاۋىن وتكىزۋ تۋرالى باستاماسىنىڭ ساراپشىلار قوعامىندا جانە باق-تا كەڭىنەن تالقىلانىپ جاتقانىن ايتتى.

سونداي-اق، ن. نازاربايەۆ كونستيتۋسيالىق كەڭەس ءتوراعاسى يگور روگوۆپەن دە كەزدەستى.

كەزدەسۋ بارىسىندا كەزەكتەن تىس پارلامەنت سايلاۋىن وتكىزۋ ماسەلەسى تالقىلاندى.

سونىمەن قاتار قازاقستان پرەزيدەنتى پارلامەنتتىڭ قوس پالاتاسىنىڭ توراعالارىمەن جانە پرەمەر-مينيسترمەن كونسۋلتاسيا وتكىزگەنىن ايتتى.   

ي.روگوۆ كونستيتۋسيانىڭ 63-بابىنىڭ 1-تارماعىنا سايكەس، پارلامەنتتى نەمەسە پارلامەنت ءماجىلىسىن قازاقستان پرەزيدەنتى پارلامەنت پالاتالارىنىڭ توراعالارىمەن جانە پرەمەر-مينيسترمەن كونسۋلتاسيادان كەيىن تاراتا الاتىنىن ايتتى. سونىمەن بىرگە، كونستيتۋسيالىق كەڭەس ءتوراعاسى كەزەكتەن تىس سايلاۋ پارلامەنت نەمەسە پارلامەنت ءماجىلىسى وكىلەتتىگىن مەرزىمىنەن بۇرىن دوعارعان كۇننەن كەيىن ەكى اي ىشىندە وتكىزىلەتىنىنە نازار اۋداردى.

ي.روگوۆ ماجىلىسكە كەزەكتەن تىس سايلاۋدى الداعى بارلىق دەڭگەيدەگى ءماسليحات سايلاۋىمەن ءبىر مەزگىلدە وتكىزۋ كونستيتۋسيا نورمالارىنا تولىق ساي كەلەتىنىن اتاپ ءوتتى.