بۇگىن شىعىس قازاقستان وبلىسىندا كۇن رايىنىڭ كۇرت سۋىتۋىنا بايلانىستى مەكتەپتەردە ساباقتار توقتاتىلدى، - دەپ حابارلايدى «قامشى» پورتالى قازاقپاراتقا سىلتەمە جاساپ.

وسكەمەندە اۋانىڭ تەمپەراتۋراسى -30 گرادۋس، وندا 1-2 اۋىسىمدا وقيتىن 1-11 سىنىپ وقۋشىلارى ءۇشىن ساباقتار جۇرگىزىلمەيدى، سەمەيدە ودان ءبىر گرادۋس تومەن - مۇندا ەكى اۋىسىمداعى 1-11 سىنىپ وقۋشىلارى، كوللەدجدەردىڭ ءى جانە ءىى كۋرس ستۋدەنتتەرى ءۇشىن ساباق توقتاتىلعان.

زىرياندا 33 گرادۋس اياز، وندا 1 جانە 2 اۋىسىممەن وقيتىن 1-9 سىنىپ وقۋشىلارى ءۇشىن ساباق بولمايدى.

ريددەردە 30 گرادۋس اياز، 1-2 اۋىسىممەن وقيتىن  1-11 سىنىپ ارالىعىنداعى وقۋشىلار ءۇشىن ساباق توقتاتىلعان.

وڭىردەگى 20 قاڭتارعا ارنالعان گيدرومەتەوبولجام: سولتۇستىكتەن 9-14 م/س جىلدامدىقپەن جەل سوعادى. تۇندە اۋانىڭ تەمپەراتۋراسى 33-38 گرادۋس، كەي جەرلەردە 23-28 گرادۋس، كۇندىز - 25-30 گرادۋس، كەي جەرلەردە 15-20 گرادۋس اياز بولادى، جاۋىن-شاشىنسىز، كەيبىر جەرلەردە تۇمان تۇسەدى.