بيىلعى جىلى سولتۇستىك قازاقستان وبلىسىنا 250-گە جۋىق وتباسى قونىستانادى. ولاردىڭ جارتىسى سىرتتان كەلگەن قانداستارىمىز بولسا، قالعان بولىگى تۇرمىسى قيىن وبلىستاردان كوشىرىلەتىن وتباسىلار، - دەپ مالىمدەدى سقو اكىمى ەرىك سۇلتانوۆ استانادا وتكىزگەن باسپا ءسوز ءماسليحاتىندا.
«جاقسى جاڭالىق بار. ۇكىمەت تاپسىرماسىمەن وبلىسىمىزعا 250 وتباسى قونىستانادى. ولاردىڭ جارتىسى شەت ەلدەردەن كەلەتىن قانداستارىمىز بولسا، قالعان بولىگى وڭتۇستىك قازاقستان، ماڭعىستاۋ، الماتى وبلىستارىنىڭ تۇرعىندارى. بۇل جۇمىس اعىمداعى جىل ىشىندە اتقارىلاتىن بولادى»، - دەگەن وبلىس باسشىسى بۇل مەجەنى الداعى ۋاقىتتا ۇلعايتۋعا، وبلىسقا قانداستارىمىزدى كوپتەپ شاقىرۋعا مۇددەلى ەكەندىكتەرىن جەتكىزدى.
