سارسەنبى امەريكا نارىعىنداعى مۇناي قورى تۋرالى ەسەپتىڭ جاريالانۋى قارساڭىندا مۇناي باعاسى تومەندەپ كەتتى. اتالمىش ەسەپتە قوردىڭ ۇلعايعاندىعى جاريا ەتىلۋى مۇمكىن، - دەپ حابارلادى Bloomberg اگەنتتىگى.
Brent ماركالى مۇناي باررەلىنىڭ ناۋرىزعا فيۋچەرستەرىنىڭ باعاسى ICE Futures لوندوندىق بيرجادا استانا ۋاقىتىمەن ساعات 11:00-گە قاراي 1،75% ارزانداپ 28،26 دوللار بولدى.
WTI مۇنايىنىڭ ءبىر باررەلىنىڭ اقپانداعى فيۋچەرستىك باعاسى نيۋ-يورك تاۋار بيرجاسىندا (NYMEX) 2،74% تومەندەپ، $27،68 بولدى.
حالىقارالىق ەنەرگەتيكالىق اگەنتتىك (مەا) اي سايىنعى شولۋىندا «نارىققا يران شىققاندىقتان جانە شيكىزاتقا سۇرانىس قارقىنىنىڭ باياۋلاۋىنا بايلانىستى مۇناي ارى قاراي ارزاندايدى» دەپ بولجاپ وتىر.
