الماتىدا بۇگىن يپوتەكالىق نەسيەگە ءۇي الىپ، قارىزىن وتەي الماي جۇرگەن ونداعان بورىشكەر "كازكوممەرسبانكتىڭ" ءال-فارابي داڭعىلى مەن جەلتوقسان كوشەسىنىڭ قيىلىسىندا ورنالاسقان بولىمشەسى الدىندا نارازىلىق شاراسىن وتكىزدى، - دەپ حابارلايدى «قامشى» پورتالى ازاتتىققا سىلتەمە جاساپ.
ازاتتىق ءتىلشىسىنىڭ وقيعا ورنىنان حابارلاۋىنشا، بورىشكەرلەر تالاپتارىن ايتۋ ءۇشىن بانك باسشىلىعىنىڭ سىرتقا شىعىپ، وزدەرىمەن كەزدەسۋىن تالاپ ەتتى.
بىرنەشە بانكتەن يپوتەكالىق نەسيە العان بورىشكەرلەر ەكونوميكالىق جاعداي مەن تەڭگەنىڭ ۇزدىكسىز قۇنسىزدانۋىنا بايلانىستى قارىزدارىن تولەي الماي جاتقانىن ايتىپ، قارىزداردى قايتا ەسەپتەۋدى، كەلىسىم-شارتتىڭ كەي تارماقتارىن وزگەرتۋدى سۇرادى.
نارازىلاردىڭ كەيبىرى كوزدەرى عانا كورىنەتىندەي ەتىپ قاراسۇر ماتا جامىلىپ شىقتى. ولار بۇل بەلگى وزدەرىنىڭ "قۇل" بولعانىن بىلدىرەدى دەيدى.
بولىمشەدەن شىققان وكىل بورىشكەرلەرگە بانك ءتوراعاسىنا قوياتىن تالاپتارىن جازباشا تاپسىرۋدى سۇرادى. ءبىراق بورىشكەرلەر وعان قارسىلىق ءبىلدىرىپ، "ءتوراعا، سىرتقا شىق!" دەپ ۇرانداپ ايقايلاپ تۇرىپ الدى. بورىشكەرلەر بۇدان سوڭ سول ماڭعا جاقىن "بانك سەنتركرەديت" بولىمشەسىنە بارىپ، وندا دا تالاپتارىن مالىمدەدى.
