ق ر پارلامەنت ءماجىلىسىنىڭ دەپۋتاتى، حالىقارالىق ىستەر، قورعانىس جانە قاۋىپسىزدىك جونىندەگى كوميتەت ءتوراعاسى ماۋلەن اشىمبايەۆ الداعى پارلامەنت سايلاۋىندا ماجىلىسكە كەمى 3 پارتيا وتەتىنىن بولجايىتىنىن ايتتى، - دەپ حابارلايدى «قامشى» پورتالى zakon.kz-كە سىلتەمە جاساپ.

ءماجىلىستىڭ بۇگىنگى پلەنارلىق وتىرىسىنان سوڭ جۋرناليستەر ساۋالىنا جاۋاپ بەرگەن دەپۋتات الدا وتەتىن كەزەكتەن تىس ءماجىلىس سايلاۋىنا قاتىستى پىكىرىمەن بولىسكەن.

«پارلامەنتتە پارتيالار سانى نەعۇرلىم كوپ بولسا، سوعۇرلىم حالىقتىڭ ءتۇرلى توپتارىنىڭ مۇددەلەرى پارلامەنتكە جەتەدى. مەن كوپ پارتيالىق جۇيەنى جاقتايمىن. سونداي-اق، «نۇر وتان» پارتياسىنىڭ مۇشەسى رەتىندە كەلەسى سايلاۋدا دا ءبىزدىڭ پارتيا جەتەكشى ورىندى يەلەنەدى دەپ ۇمىتتەنەمىن»، - دەگەن ءماجىلىس دەپۋتاتىنان جۋرناليستەر سايلاۋ قورىتىندىلارىنا بايلانىستى بولجامدارىن سۇرادى.

«بۇل جەردە بولجاۋ قيىن، ارينە. ءبىراق، مەنىڭ ويىمشا ماجىلىسكە كەمىندە 3 پارتيا وتەتىن سياقتى. بۇل – مەنىڭ بولجامىم. قازىرگى ماجىلىستەگى پارتيالار وزدەرىن جاقسى كورسەتە الدى. باسقا پارتيالار دا ماجىلىسكە وتكىلەرى كەلسە وزدەرىن تانىتۋلارى كەرەك»، - دەيدى م. اشىمبايەۆ.