حالقىمىز ءسالت-داستۇرىنىڭ بىلگىرى، ەلىمىزدەگى مۇراجاي ءىسىنىڭ دامۋىندا وزىندىك قولتاڭباسىن قالدىرعان مەملەكەت جانە قوعام قايراتكەرى، عالىم-ەتنوگراف وزبەكالى جانىبەكوۆتىڭ تۋعانىنا بيىل 85 جىل.  وسىعان وراي، 19 قاڭتار كۇنى «ازىرەت سۇلتان» مەملەكەتتىك تاريحي-مادەني قورىق-مۇراجايىندا «ءومىرى ونەگەلى وزبەكالى» كورمەسىنىڭ تۇساۋكەسەرى ءوتتى، - دەپ حابارلايدى «قامشى» پورتالى.

كورمەنىڭ اشىلۋ سالتاناتىن «ازىرەت سۇلتان» قورىق-مۇراجايىنىڭ ديرەكتورى ج.اۋباكىر اشىپ، ءو.جانىبەكوۆتىڭ ەلىمىزدىڭ مادەني-رۋحاني دامۋىنا قوسقان ۇلەسىنە توقتالدى. تۇركىستان ەتنوپەداگوگيكالىق كوللەدجى جانە №1 ا.بايتۇرسىنوۆ اتىنداعى قازاق ورتا مەكتەبى ۇجىمىنا قورىق-مۇراجاي تاراپىنان ۇيىمداستىرىلاتىن شارالارعا اتسالىسقانى ءۇشىن العىس حاتپەن ماراپاتتالىپ، سىي-سياپاتتار جاسالدى. تۇركىستان قالاسىنىڭ قۇرمەتتى ازاماتى ە.بيماعانبەت ۇلى ءو.جانىبەكوۆ جايلى ەستەلىك تولعانىستارىن بىلدىرسە، تۇركىستان ەتنوپەداگوگيكالىق كوللەدجىنىڭ ديرەكتورى ا.سەرىم ءو.جانىبەكوۆتىڭ مۇرالارى، اتقارعان ەڭبەكتەرىن جاس-جەتكىنشەكتەرگە ناسيحاتتاۋدا مۇراجاي ءرولىنىڭ ەرەكشە ەكەندىگىن اتاپ ءوتتى.   

كورمەنى تاماشالاۋعا قالا اكىمشىلىگى، وقۋ ورىندارى قالىڭ كوپشىلىك قاتىستى. كورمە جىل سوڭىنا دەيىن جۇمىس جاسايدى.