رەسەيدىڭ قور جانە ۆاليۋتا نارىقتارىندا قۇلدىراۋ باستالدى. ينۆەستورلار رەسەي فەدەراسيا كەڭەسىنىڭ 1 ناۋرىزدا ۋكراينا تەرريتورياسىنا رەسەي اسكەرىن كىرگىزۋ تۋرالى شەشىمىنىڭ ەكونوميكالىق سالدارى بولادى دەپ الاڭدايدى. رەسەيدىڭ شيكىزات كومپانيالارى مەن بانكتەرىنىڭ اكسيالارىنىڭ قۇنى تۇسە باستادى. "گازپرومنىڭ" قۇندى قاعازدارى - 11 پايىزعا، "ۋرالكاليي" اكسيالارىنىڭ قۇنى - 11 پايىز، "ۆتب" بانكىنىڭ اكسيالارى - 12،5 پايىز، "سبەربانك" اكسيالارىنىڭ قۇنى - 8 پايىزعا ارزاندادى. "مەچەل" مەتاللۋرگيالىق كومپانياسىنىڭ اكسيالارى 26 پايىزعا ارزانداپ، بۇل كومپانيانىڭ اكسيالارىن ساۋداعا شىعارۋ توقتاتىلدى. دوللار مەن ەۋرونىڭ رۋبلگە شاققانداعى باعامى بۇرىن-سوڭدى بولماعان دەڭگەيدە قىمباتتادى. رەسەي ورتالىق بانكى ينفلياسيا مەن قارجىلىق تۇراقسىزدىقتى بولدىرماس ءۇشىن پايىزدىق مولشەرلەمەنى 5 پايىزدان 7 پايىزعا دەيىن ۋاقىتشا قىمباتتاتۋعا شەشىم قابىلدادى. ساراپشىلاردىڭ باعالاۋىنشا، رەسەي بيرجالارىنداعى قۇلدىراۋ 2008 جىلى تامىزدا رەسەي-گرۋزيا سوعىسى كەزىندە بولعان قۇلدىراۋدان ەكى ەسە اسىپ تۇسەدى.
"ازاتتىق راديوسى"
