بۇگىن الماتىدا ق ر ۇلتتىق بانكىنىڭ ءتوراعاسى دانيار اقىشيەۆتىڭ قاتىسۋىمەن كەزەكتى باسپا ءسوز ءماسليحاتى بولدى. وندا باس بانكير قارجى نارىعىنداعى احۋالعا باعا بەردى، - دەپ حابارلايدى "قامشى" پورتالى.

«2015 جىلى قازاقستاندا جىلدىق ينفلياسيا - 13،6 پايىزدى قۇرادى. ازىق-تۇلىك تاۋارلارىنىڭ باعاسى ءبىر جىل ىشىندە 10،9 پايىزعا ءوستى. ال ازىق-تۇلىككە جاتپايتىن تاۋارلاردىڭ باعاسى 22،6 پايىزعا، اقىلى قىزمەتتەر 8،1 پايىزعا قىمباتتادى»، - د. اقىشيەۆ.

سونىمەن قاتار، باس بانكير ۆاليۋتا نارىعىنداعى ايىرباس باعامى جونىندە ءوز ويىن ءبىلدىردى.

«بۇگىن تاڭەرتەڭ قازاقستان قور بيرجاسىندا ءبىر اقش دوللارى 383،23 تەڭگەنى قۇرادى. جىل باسىنان بەرى وزگەرىس 12،7 پايىزدى قۇراپ،  ساۋدا كولەمى 58 ملرد. اقش دوللارىنا جەتتى. ءبىز وتكەن جىلدىڭ سوڭىندا وتكەن باسپا ءسوز ءماسليحاتىندا تەڭگەنىڭ باعامى سىرتقى فاكتورلارعا بايلانىستى وزگەرۋى مۇمكىن ەكەندىگىن ەسكەرتكەنبىز. ياعني، مۇناي باعاسى ءبىر باررەل ءۇشىن 30 دوللاردان تومەندەپ، رەسەي ءرۋبلى 10 پايىزعا قۇنسىزداندى. سايكەسىنشە، تەڭگە باعامى جاڭا دەڭگەيدە قالىپتاسىپ جاتىر»،- دەدى د. اقىشيەۆ. 

ايتا كەتەلىك، وتكەن جەلتوقسان ايىنداعى ينفلياسيا - 1،2  پايىز بولدى. ءبىر جىل ىشىندە ازىق-تۇلىك تاۋارلارىنىڭ باعاسى  22،6 پايىزعا ءوستى. ازىق-تۇلىك تاۋارلارىنىڭ ىشىندە 2015 جىلى كوبىنەسە قانت - 19،8 پايىزعا،  بالىق جانە تەڭىز ونىمدەرى - 19،5 پايىزعا، مايلار مەن توڭ ماي - 18،5 پايىزعا، جۇمىرتقا - 18،0 كوكونىستەر مەن جەمىستەر - 17،3 پايىزعا جانە ماكارون ونىمدەرى -10،2  پايىزعا قىمباتتادى.

ال، اقىلى قىزمەت كورسەتۋ - 8،1 پايىزعا كوتەرىلدى. ازىق-تۇلىككە جاتپايتىن تاۋارلار نارىعىندا كيىم مەن اياق-كيىم باعاسى 32،9 پايىزعا، دارى-دارمەكتەر 30،7 پايىزعا، تۇرمىستىق ءۇي زاتتارى  24،7 پايىزعا كوتەرىلدى.