اتىراۋ قالالىق قورعانىس ىستەرى باسقارماسى باستىعىنىڭ ورىنباسارى م.ورىنبەكوۆ پارا الدى دەگەن كۇدىكپەن ۇستالدى. بۇل تۋرالى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ باسپا ءسوز قىزمەتىنەن حابارلادى.
«سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ اتىراۋ وبلىستىق دەپارتامەنتى اتىراۋ قالالىق قورعانىس ىستەرى باسقارماسى باستىعىنىڭ ورىنباسارى، كاپيتان م.ورىنبەكوۆ پەن موبيليزاسيالىق جوسپارلاۋ ءبولىمىنىڭ باستىعى، كاپيتان د.وسپانوۆتى ۇستادى. لاۋازىمدى تۇلعالاردىڭ جەكە تۇلعادان ەسەپكە دەر ۋاقىتىندا تۇرماعانى ءۇشىن اكىمشىلىك جاۋاپكەرشىلىككە تارتپاۋ جانە اسكەرگە شاقىرۋ جاسىنىڭ وتۋىنە بايلانىستى اسكەري بيلەت بەرۋ ءۇشىن 70 مىڭ تەڭگە پارا العانى انىقتالدى. قازىرگى ۋاقىتتا م.ورىنبەكوۆ ق ر قىجك 128ء-شى بابىنا سايكەس اتىراۋ قالالىق ءىىب وقشاۋلاعىشىنا قامالدى. سوت الدىندا تەرگەۋ امالدارى جۇرگىزىلۋدە»، - دەلىنگەن حابارلامادا.
