جەمقورلىققا قارسى ءىس-قيمىل جونىندەگى ۇلتتىق بيۋرو قىزمەتكەرلەرى استانا قالاسىندا ءبىرقاتار جەمقورلىق قىلمىستاردىڭ بەتىن اشتى، - دەپ حابارلايدى «قامشى» پورتالى.
استانا قالاسى سارىارقا اۋدانى ءىىب-نىڭ جەدەل ۋاكىلەتتى وكىلى ا. ەرەجەپبايەۆ دەرەكتەر بازاسىنان تىركەۋ مالىمەتتەرىن جويۋ ءۇشىن 195 مىڭ تەڭگە پارا الۋ ساتىندە قولعا تۇسكەن. ۇستالعان پوليسەي ق ر قاك-نىڭ 128-بابىنا ساي، ۋاقىتشا ۇستاۋ يزولياتورىنا قامالعان.
سونداي-اق، قالا اكىمشىلىك پوليسيا باسقارماسى جول-پاترۋلدىك پوليسياسىنىڭ اعا ينسەكتورى مەن ينسپەكتورى ب. راحىمبەكوۆ پەن ن. سىزدىقوۆ ماس كۇيىندە كولىك جۇرگىزگەن ءتارتىپ بۇزۋشىدان پارا الۋ كەزىندە ۇستالعان.
سونىمەن قاتار، جەمقورلىقپەن كۇرەس قىزمەتىنىڭ وكىلدەرى قوستاناي وبلىستىق ءىىد-ى ىشكى قاۋىپسىزدىك باسقارماسىمەن بىرلەسىپ، ورتالىق بازاردا ساۋدا جاساۋشى ازاماتتان پارا العان جەدەل ۋاكىلەتتى وكىل ب. تاشمۇقانوۆتى قۇرىقتاعان.
