الماتىلىق ادۆوكات مارات ۇسىپبەكوۆ «وڭاي» ەلەكتروندى بيلەتتەندىرۋ جۇيەسىن قولدانىسقا ەنگىزىپ جاتقان «الماتى كولىك حولدينگى» جشس-نىڭ ۇستىنەن سوتقا تالاپ ارىز ءتۇسىردى، - دەپ حابارلايدى «قامشى» پورتالى.
شاعىمدانۋشى ادۆوكات جاۋاپتى تاراپتى بۇرىن قولدانىستا بولعان قاعاز جول ءجۇرۋ بيلەتتەرىن بارلىق قوعامدىق كولىك قۇرالدارىندا قالپىنا كەلتىرۋگە، بيلەتتەندىرۋ جۇيەسىن ويلاپ تاپقانداردىڭ ارەكەتتەرىن زاڭعا قارسى دەپ تانۋدى تالاپ ەتىپ وتىر.
زاڭگەر «تۇتىنشۋلىر قۇقىن قورعاۋ تۋرالى» زاڭنىڭ قىزمەت تۇرلەرىن ەركىن تاڭداۋعا مۇمكىندىك بەرەتىن 7-بابىنىڭ 5-تارماعىن العا تارتادى. ياعني، ەلەكتروندى بيلەتتەندىرۋ جۇيەسىن ەنگىزۋ ارقىلى كومپانيا تۇتىنۋشىلاردى ەسەپتەسۋ ءتۇرىن تاڭداۋ قۇقىنان ايىرىپ وتىرعان كورىنەدى.
«بۇدان باسقا، جولاۋشىلار بۇرىن ءبىر ايعا بەرىلەتىن جول ءجۇرۋ بيلەتتەرىن پايدالانۋ ارقىلى قوسىمشا اقى تولەمەي-اق ءبىر اۆتوبۋستان ءتۇسىپ كەلەسىسىنە وتىرا الاتىن»، - دەگەن ادۆوكات قاعاز جول ءجۇرۋ بيلەتتەرىن ەنگىزگەن قالالىق ءماسليحات شەشىمى ءالى كۇنگە كۇشىن جويماعاندىقتان، ەلەكتروندى جۇيە زاڭسىز دەپ سانايدى.
سونىمەن قاتار، زاڭگەر «وڭاي» كارتالارىن قايتادان وتكىزۋ ماسەلەسىندە دە شيكىلىك بارىن ايتادى.
