قازاقستاندىق زاڭگەرلەر ەلباسىنىڭ ق ر پارلامەنت ءماجىلىسى دەپۋتاتتارىنىڭ مەرزىمىنەن بۇرىن سايلاۋىن تاعايىنداۋ تۋرالى جارلىعىن قولدايدى. بۇل تۋرالى الماتىدا ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە «زاڭگەرلەر - ءادىل سايلاۋ ءۇشىن» رەسپۋبليكالىق قوعامدىق بىرلەستىگى باسقارماسىنىڭ ءتوراعاسى ءومىرالى قوپابايەۆ ءمالىم ەتتى.
نەگىزگى مىندەتى سايلاۋدى ۇيىمداستىرۋ جانە وتكىزۋ بويىنشا مونيتورينگ جۇرگىزۋ بولىپ تابىلاتىن بىرلەستىك باسشىسىنىڭ ايتۋىنشا، ءماجىلىس جانە بارلىق دەڭگەيدەگى ءماسليحاتتار سايلاۋىنا باقىلاۋ جۇرگىزۋدى، ازاماتتار مەن بيلىكتەگىلەردىڭ اراسىنداعى بايلانىستى نىعايتۋدى ەلىمىزدىڭ زاڭگەرلەرى پارىز دەپ سانايدى.
قوعامدىق بىرلەستىك ءتوراعاسى سونداي-اق قازاقستانعا جاھاندىق سىن-قاتەرلەردى ەڭسەرۋگە مۇمكىندىك بەرەتىن ناقتى جوسپاردى ءساتتى ىسكە اسىرۋ ءماجىلىستىڭ جاڭا قۇرامىنىڭ ەنشىسىندە ەكەنىن اتاپ ءوتتى.
«زاڭگەرلەر - ءادىل سايلاۋ ءۇشىن» قوعامدىق بىرلەستىگى مەرزىمىنەن بۇرىن ءماجىلىس جانە ءماسليحات سايلاۋىنا بەلسەنە قاتىسىپ، ولاردىڭ زاڭنىڭ شەڭبەرىندە جانە ءادىل، اشىق وتۋىنە باقىلاۋ جاساۋعا دايىن. ءبىز سايلاۋ پروسەسىنە وبەكتيۆتى باقىلاۋ جانە قوعامدىق مونيتورينگ جاساپ، وعان قاتىسۋشىلارعا جانە مەملەكەتتىك ورگاندارعا كەڭەس بەرەمىز»، - دەپ تۇيىندەدى ءو.قوپابايەۆ.
