فەيسبۋك الەۋمەتتىك جەلىسىندە وڭتۇستىك قازاقستان وبلىسىنىڭ پروكۋرورى يبراھيم يمانوۆتىڭ وردەن الۋىن اتاپ ءوتۋ ءراسىمى تۇسىرىلگەن ۆيدەو جاريالاندى، - دەپ حابارلايدى «قامشى» پورتالى. ۆيدەودا وبلىس پروكۋرورى ي. يمانوۆتىڭ 2-دارەجەلى «داڭق» وردەنىمەن ماراپاتتالۋىنا بايلانىستى ءوزىن ەلدىڭ باس پروكۋرورى اسحات داۋىلبايەۆقا تانىستىرعان ءساتى، فۋجەرگە قۇيىلعان بەلگىسىز ىشىمدىكتى ۇزاق سوراپتاپ ىشكەنى، ارتىنشا ەكىنشى بوكالدى كوتەرىپ، قاعىپ سالعانى انىق كورىنەدى. سونداي-اق، ۆيدەودا باس پروكۋرور ا. داۋىلبايەۆ وبلىس پروكۋرورى ي. يمانوۆتى قۇتتىقتاپ، وعان «داڭق» وردەنىنىڭ ەكى دارەجەسىمەن دە ناگرادتالعان باس اسكەري پروكۋرور ەرعالي مەرزادينوۆتى ۇلگى ەتىپ كورسەتەدى. وقو پروكۋراتۋراسىنىڭ سايتىندا ي. يمانوۆ 2-دارەجەلى «داڭق» وردەنىمەن 2013 جىلعى جەلتوقسان ايىندا ناگرادتالعانى كورسەتىلگەن.

 

«قامشى» سىلتەيدى