الەمدىك نارىقتا مۇناي باعاسى بۇرىن سوڭدى بولماعان رەكوردتىق دەڭگەيگە دەيىن ارزانداپ جاتىر. سوعان ساي مۇناي ءونىمدىرىنىڭ دە باعاسى ءتۇسۋى ءتيىس ەدى. مۇناي ءوندىرۋشى ەل سانالاتىن قازاقستاندا دا ءۇش بىردەي مۇناي وڭدەۋ زاۋىتى بولا تۇرا جانارماي باعاسى قىمبات كۇيىندە قالىپ وتىر.

وسى اپتادا اقش-تىڭ ميچيگان شتاتىندا 1 ليتر بەنزين قۇنى 12 سەنتكە تۇسكەن. اقش بويىنشا بەنزيننىڭ 1 گالونىنىڭ ورتاشا باعاسى 1 دوللار 89 سەنتتى قۇراپ وتىر. بۇل سوماعا 3،8 ليتر بەنزين الۋعا بولادى دەگەن ءسوز. الايدا، اقش-تىڭ باسقا شتاتتارى مەن ءىرى قالالارىندا بەنزين باعاسى مۇنشا قۇلدىراعان جوق.   

مۇنايدىڭ ۇستىندە وتىرىپ قىمبات بەنزين تۇتىنۋىمىزدىڭ باستى سەبەبى مۇناي وڭدەۋ زاۋىتتارىنا شيكىزاتتى رەسەيدەن الاتىنىمىز، جوعارى وكتاندى بەنزيندى دە سولتۇستىك كورشىمىزدەن تاسيتىنىمىز بولىپ وتىر. ەلدەگى بەنزين باعاسىنا ەڭ الدىمەن رەسەي ءرۋبلىنىڭ باعامى ىقپال ەتەدى.

GlobalPetrolPrices سايتى ۇسىنعان مالىمەتتەرگە سەنسەك، الەمدەگى 1 ليتر بەنزيننىڭ ورتاشا باعاسى 0،97 دوللار. ءتۇرلى ەلدەردەگى باعالاردىڭ ءبىرشاما ايىرماشىلىعى بارىن جوققا شىعارا المايسىز. مىسالى، بەنزيننىڭ باعاسى ۆەنەسۋەللادا (0،02 دوللار)، ليۆيادا (0،14 دوللار)، الجيردە (0،20 دوللار) ەڭ ارزان كۇيىندە ساقتالىپ وتىر. ەڭ قىمبات بەنزين گونكونگتە (1،81 دوللار)، نيدەرلاندتا (1،66 دوللار) جانە نورۆەگيادا (1،62 دولار) بولىپ وتىر. بۇل كورسەتكىشتەرگە قاراساق، قازاقستان بەنزين باعاسى ەڭ تومەن ەلدەردىڭ قاتارىنا كىرەدى. بىزدەن ارزان بەنزين تۇتىناتىن ۆەنەسۋەللا، ليۆيا، الجير، كۋۆەيت، ساۋد ارابياسى، تۇركمەنستان، يران، كاتار مەن برۋنەي سىندى توعىز-اق ەل بار ەكەن.

ونى GlobalPetrolPrices ۇسىنعان تىزىمنەن كورە الاسىز:

1. ۆەنەسۋەلا  $ 0.02 ( 7.6 تگ.)

2. ساۋد ارابياسى  $ 0.23 (87.4 تگ.)

3. تۇركمەنستان  $ 0.27(102.6 تگ.)

4. يران  $ 0.32 (121.6 تگ.)

5. قازاقستان $ 0.37 (142 تگ.)

6. ءباا $0.43 (163.4 تگ.)

7. رەسەي $ 0.49 (186.2 تگ.)

8. قىرعىزستان $ 0.52 (197.6 تگ.)

9. اقش $ 0.59 (224.2 تگ.)

10. كولۋمبيا $ 0.61(231.8 تگ.)

11. بەلارۋس $ 0.62 (235.6 تگ.)

12. اۋعانستان  $ 0.64 (243.2 تگ.)

13. تۋنيس  $ 0.77 (292.6 تگ.)

14. اۆستراليا $ 0.85 (323 تگ.)

15. گوندۋراس $ 0.89 (338.8 تگ.)

16. برازيليا $ 0.90 (342 تگ.)

17. ارگەنتينا $ 1.01 (383.8 تگ.)

18. يسپانيا $ 1.24 (471.2 تگ.)

19. گەرمانيا $ 1.37 (520.6 تگ.)

20. گونكونگ $ 1.81 (687.8 تگ.).

ياعني، جانارماي نارىعىندا بەنزين باعاسى تەك مۇنايعا قاراپ تۇزىلمەيتىنىن، ءونىمنىڭ وزىندىك قۇنىمەن قوسا، ءتۇرلى سالىقتار مەن تاسىمال شىعىنانا قاراي قالىپتاساتىنى انىق.

ال،مۇناي وندىرگەنىمەن ونى وڭدەۋدى ۇقساتا الماي وتىرعان قازاقستاندا ارزان بەنزين تۋرالى اڭگىمە قوزعاۋ – قالاساق تا، قالاماساق تا نەگىزسىز تالاپ.