شىمكەنتتىك پرانكەرلەر تۇرعىنداردىڭ ادالدىعىنا الەۋمەتتىك ەكسپەريمەنت جاسادى، - دەپ حابارلايدى «قامشى» پورتالى.

ۆكونتاكتە جەلىسىندەگى Paparazzi Pranks توبىندا الەۋمەتتىك ەكسپەريمەنتتىڭ ۆيدەوروليگى جاريالاندى. روليك اۆتورلارى رۋسلان قاناتبەك ۇلى مەن تاعاي نۇرالييەۆ زاعيپ جاندار قاتەلەسىپ، مايدالاپ بەرۋ ءۇشىن 1 مىڭ تەڭگە ورنىنا 2 مىڭ تەڭگە بەرگەن جاعدايداعى تۇرعىنداردىڭ ارەكەتتەرىن سىناماق بولعان.

«ءسىز، كۇندەلىكتى ومىردە ەكى مىڭ تەڭگە مەن مىڭ تەڭگەنى وڭاي اجىراتا الاسىز. ال، كوزى كورمەيتىن زاعيپ جان ونى اجىراتا الماسى انىق. سول زاعيپ جان، قاتەلەسىپ قولىنداعى ەكى مىڭ تەڭگەنى بەرىپ، "مىنا مىڭ تەڭگەنى ۇساقتاپ بەرەسىز بە"، دەپ ءوتىندى. ال ءسىز نە ىستەيسىز؟» دەگەن سۇراق قويادى يدەيا اۆتورلارى.

ءدال وسىعان ۇقساس ەكسپەريمەنت وتكەن جىلدىڭ جازىندا استانادا دا وتكىزگەن ەدى. وندا ەكسپەريمەنت اۆتورلارى استانالىقتاردىڭ سوققى جەپ جاتقان قىز بالاعا قانداي كومەك كورسەتە الاتىندىقتارىن سىناعان بولاتىن.