رەسپۋبليكا بويىنشا سايلاۋ جايىندا اقپارات بەرەتىن 757 بيلبورد ورناتىلىپ جاتىر. بۇل تۋرالى بۇگىن ق ر ورتالىق سايلاۋ كوميسسياسىنىڭ جۇمىس كەڭەسى بارىسىندا كوميسسيا مۇشەسى ءلاززات سۇلەيمەن ءمالىم ەتتى، - دەپ حابارلايدى "قامشى" پورتالى قازاقپاراتقا سىلتەمە جاساپ.

«كورنەكى اقپارات رەتىندە 757 بيلبوردتى ورنالاستىرۋ جونىندە ق ر وسك ءتوراعاسىنىڭ شەشىمى شىققان بولاتىن. ونىڭ ءبىرىنشى كەزەڭىن استانا مەن الماتى، سونىمەن قاتار وبلىس ورتالىقتارىندا ورنالاستىرىپ بولىپ قالدىق. ونداعى اقپاراتتار سايلاۋشىلارعا سايلاۋدىڭ قاي كۇنى وتەتىندىگىنەن مالىمەت بەرەدى. بۇل بيلبوردتاردى «سايلاۋدا ءوز تاڭداۋىڭدى جاسا!» دەگەن ۇرانمەن دايىنداپ وتىرمىز. جۇمىستار جالعاسىن تابادى»، - دەدى ل.سۇلەيمەن. 

كەڭەس بارىسىندا وسك ءتوراعاسى قۋاندىق تۇرعانقۇلوۆ ل.سۇلەيمەننەن اتالعان بيلبوردتاردىڭ قاشان تولىعىمەن ءىلىنىپ بىتەتىنىن سۇرادى. 

«بۇل باعىتتا ءبىز ءقازىر جۇمىس جاساپ جاتىرمىز. مۇمكىندىگىنشە، 2-3 كۇننىڭ ىشىندە رەسپۋبليكا بويىنشا تولىعىمەن اياقتايمىز»، - دەپ جاۋاپ بەردى ل.سۇلەيمەن.