«قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ. قىزمەت حرونيكاسى» سەرياسىنىڭ 20-شى تومى جارىق كوردى، - دەپ حابارلايدى «قامشى» پورتالى قازاقپاراتقا سىلتەمە جاساپ.
اۋقىمدى ارحيۆتىك قۇجاتتار اۋقىمىنىڭ نەگىزىندە ازىرلەنگەن سەريا 1990-2014 جىلداردى قامتيدى جانە مەملەكەتتىك تىلدەگى - 20، ورىس تىلىندەگى 20 تومنان تۇرادى. العاشقى بەس توم 1990-جىلدارعا ارنالعان ءارى ونىڭ ءار تومى ەكى جىلدى قامتيدى. 2000 جىلدان باستاپ 2014 جىلدىڭ وقيعالارىن سيپاتتايتىن قالعان 15 تومنىڭ ءارقايسىسى ءبىر جىلدىڭ وقيعالارىن بەرەدى، دەپ جازادى «ەگەمەن قازاقستان» گازەتى بۇگىنگى سانىندا.
ءوزىنىڭ مازمۇنى مەن تەحنيكالىق ورىندالۋى جونىنەن «حرونيكا» بۇكىل كەڭەستىك كەزەڭنەن كەيىنگى كەڭىستىكتەگى بالاماسى جوق باسىلىم ەكەنىن اتاپ وتكەن ءجون. ءار تومعا كىتاپتىڭ ءوزى جانە دەربەس اقپاراتتىق ونىمدەر بولىپ سانالاتىن مۋلتيمەديالىق كومپاكت-ديسك كىرەدى.
باسىلىمعا مىنا دەرەك ايرىقشا قۇندىلىق بەرەدى: كەڭەستەردى، ىسكەرلىك كەزدەسۋلەردى، ءىرى قوعامدىق-ساياسي اكسيالاردى، ەل وڭىرلەرىنە جاسالعان جۇمىس ساپارلارىن، شەتەلدەرگە ساپارلاردى، ت.ب. قوسا العاندا، وندا ەلباسىنىڭ كۇندەلىكتى جۇمىسى كۇن سايىنعى ءپىشىم بويىنشا كورىنىس تاپقان. سونىمەن قاتار، مەملەكەت باسشىسىنىڭ سويلەگەن سوزدەرىنىڭ، پرەزيدەنتتىڭ بەلگىلى ءبىر كەزەڭدەگى زاڭدارى مەن جارلىقتارىنىڭ تىزبەسى، ءتۇرلى انىقتامالىق اقپارات بەرىلگەن. كورنەكىلەۋ بولا ءتۇسۋى ءۇشىن ن.ءا.نازاربايەۆ قاتىسقان ەداۋىر ماڭىزدى ءىس-شارالار فوتو- جانە بەينەماتەريالدارمەن دايەكتەلگەن، مۇنىڭ ءوزى وقىرمانداردىڭ سۋرەتتەلىپ وتىرعان وقيعالار اۋانىنا تولىعىراق بويلاۋىنا مۇمكىندىك بەرەدى.
وقىرمانداردىڭ تانىسۋىنا كوبىرەك مۇمكىندىك تۋعىزۋدى قامتاماسىز ەتۋ ماقساتىندا ماتەريالدار، سونداي-اق، مەملەكەت باسشىسىنىڭ «اقوردا» رەسمي سايتىندا دا قايتالانا ۇسىنىلادى (http://www.akorda.kz).
قازىرگى كەزدە 2015 جىلعا ارنالعان كەزەكتى توم باسۋعا ازىرلەنۋدە، ول وسى جىلدىڭ سوڭىنا قاراي جارىق كورەدى.
تۇتاسىمەن العاندا، «حرونيكا» تۇڭعىش پرەزيدەنتىمىز - ەلباسى ن.ءا.نازاربايەۆتىڭ كوپقىرلى قىزمەتىنىڭ پريزماسى ارقىلى بەرىلگەن قازاقستاننىڭ ەڭ جاڭا تاريحى جونىندەگى قۇندى قۇجاتتامالىق دەرەككوز بولىپ تابىلادى.
سەريانى ساياسي عىلىمدار دوكتورى، پروفەسسور م.ب.قاسىمبەكوۆ باسشىلىق جاسايتىن اۆتورلىق ۇجىم شىعارۋدا.
پىكىر قالدىرۋ