ەلدىڭ باس پارتياسى «نۇر وتاننىڭ» حاتشىسى فارحاد قۋانعانوۆ بۇعان دەيىن قازاقستاندىق سپورت جانە ونەر جۇلدىزدارى دا دەپۋتات رەتىندە باقتارىن سىناۋعا قۇقىلى ەكەنىن ايتىپ، ولاردىڭ قاتارىندا ءانشى جانار دۇعالوۆانىڭ دا ەسىمىن اتاعان ەدى. بۇل مالىمدەمەدەن ءانشىنىڭ ەكس-پروديۋسەرى بايان ەسەنتايەۆا ءبىراز «شوق» العان سياقتى، - دەپ حابارلايدى «قامشى» پورتالى.
اتى سەرىك ساپييەۆ، يليا يلين، قايرات نۇرتاس سىندى جۇلدىزدارمەن قاتار اتالعان جانار دۇعالوۆاعا قاتىستى پىكىرىن بايان ەسەنتايەۆا ينستاگرام جەلىسىندە جاريالادى.
“ءبارىن تۇسىنەم، ءبىراق دەپۋتاتتىق تىزىمگە ارتىستەردى قوسۋ دەگەن باسىما سىيمايدى. انشىلەر قانداي ماسەلەنى ۇسىنا الادى. كوپكە توپىراق شاشپايىن، ءبىراق جانار دۇعالوۆا تۇك بىتىرگەن جوق، قالاي عانا جاس ءانشى زاڭ جوبالارىمەن اينالىسپاق؟ تانىمالدىلىق دەگەن ءبىر بولەك، ساياسات دەگەن ءبىر بولەك. نە بولسا دا، ساتتىلىك تىلەيمىن. ناعىز دارىن يەسى بارلىق جاعىنان قابىلەتتى شىعار. بالكىم ول ساياساتقا دا كەرەك شىعار”، – دەدى ەسەنتايەۆا ءوز پاراقشاسىندا.
پىكىر قالدىرۋ