ق ر ينۆەستيسيالار جانە دامۋ مينيسترلىگىندە الماتى وبلىسىندا تىكۇشاق قۇلاۋىنىڭ سەبەپتەرىن تەكسەرۋ جونىندە كوميسسيا قۇرىلدى، - دەپ حابارلايدى «قامشى» پورتالى ۆەدومستۆونىڭ باسپا ءسوز قىزمەتىنە سىلتەمە جاساپ.

ەسكە سالا كەتەيىك، ءۇشارال - تالدىقورعان باعىتى بويىنشا رەيس اتقارعان اۋە كەمەسى كەشە 27 قاڭتاردا اپاتقا ۇشىرادى. تىكۇشاق بورتىندا 5 ادام: ۇشقىش ۆ.كوندراتيۋك، 1970 ج.ت.؛ دارىگەر گەماتولوگ ب.قايسانوۆا، 1964 ج.ت.، فەلدشەر گ.حاميتوۆا، 1993 ج.ت.، ك.ءابىلقاسىم - 1989 ج.ت.، ب.ءابىلقاسىم - 2015 ج.ت. بولدى. قازا بولعانداردىڭ دەنەلەرى جانە تىكۇشاق سىنىقتارى تالدىقورعان قالاسى اۋەجايىنان 18 شاقىرىم جەردەن تابىلدى.

2016 جىلعى 27 قاڭتارداعى ساعات 18:30-دا (استانا ۋاقىتىمەن) الىنعان العاشقى حابارلاماعا سايكەس «قازاەروناۆيگاسيا» رمك جەدەلحاتىندا اتالعان بورت ەكيپاجى 18 شاقىرىم قاشىقتىقتا 500 مەترگە دەيىن بيىكتىكتى تومەندەتۋ تۋرالى بايانداعاننان كەيىن قوناتىن جەرىنە كەلىپ جەتپەگەنى ايتىلعان.

ق ر ينۆەستيسيالار جانە دامۋ مينيسترلىگى كولىك پروكۋراتۋراسىمەن بىرلەسە وتىرىپ، سانيتارلىق اۆياسيانىڭ بارلىق اۋە كەمەلەرىن تۇگەلىمەن تەكسەرۋدى باستايدى.

قايعىلى وقيعاعا بايلانىستى ق ر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا قازا بولعانداردىڭ وتباسىنا كوڭىل ايتتى.