وسىنداعى ءبىراز اعايىننىڭ حابارى بار، مەن وتكەن جىلدىڭ تامىز ايىندا جىل سوڭىنا دەيىن ون ەكى ميلليون تەڭگە تابىس تابامىن دەپ جۇرتقا جاريا ەتكەن بولاتىنمىن. سول سوزىمە ءسال كەشىگىپ جاۋاپ بەرىپ جاتىرمىن. ويتكەنى سوڭعى ەكى ايدا قىتايدا بولىپ، ەلگە ەندى عانا جەتىپ وتىرمىن. كوزدەگەن مەجەگە جۋىقتادىق، تۋرا جەتكىزە العان جوقپىن. 2015 جىلدىڭ سوڭىنداعى تازا تابىس 9 100000 (توڭىز ميلليون ءبىر ءجۇز مىڭ تەڭگە) بولدى. نەگىزىندە اسىرىپ ورىنداۋعا مۇمكىندىك بار ەدى، شامامىز كەلگەنشە ارەكەت جاسادىق. جەتپەۋىمىز، ماركەتينگ پەن مەنەدجمەنتتەن ەمەس،تەڭگەمىزدىڭ كۇن سايىن قۇنسىزدانىپ، سىرتپەن جۇمىس جاساپ وتىرعان بىزگە ايتارلىقتاي اسەر ەتكەندىكتەن. 
تابىسىمدى قاي جاققا جۇمسايتىنىمدى دا جازعام. سول ايتقانداي ءبىر بولىگىنە الماتى ىرگەسىندەگى المەرەك اۋىلىنان ءۇي سالدىم، ءبىر بولىگىن كاسىپتىڭ اينالىمىنا جۇمسادىم. ءقازىر «اۆتومودا» رەسپۋبليكانىڭ اۆتوجابۋ نارىعىندا بىردەن-بىر تانىمال كومپانياعا اينالدى. جەلتوقسان ايىنان باستاپ قىتايداعى قانداستارعا دا ساتىلىمعا شىقتى. ءۇرىمجى قالاسىنان «نۇر-بولاشاق» اتتى كومپانيا تىركەتىپ، جەكە كەڭسەمىزدى اشتىق. ول جاقتاعى قانداستا دا ىقىلاسپەن قابىلداپ، جاقسى تابىس اكەلىپ وتىر. ەندى قازاقستانعا تىگىن ءوندىرىسىن الىپ كەلۋگە جۇمىس جاساپ جاتىرمىز. اللا قالاسا بيىلعى جىل «اۆتومودا» وتاندىق ءوندىرىستىڭ قاتارىنا قوسىلادى. 
ءسوزىمنىڭ قۇنى قازاقتىڭ ءبىر ازاماتىنىڭ كاسىپ باستاۋىنا قاراجات بەرۋ بولاتىن. ەندى ۋادەمدە تۇرىپ استانادا تۇراتىن، بەل ومىرتقاسىنان مەرتىككەن مۇگەدەك باۋىرىمىز مۇرات سارمانوۆ باۋىرىمىزعا قارجىلاي كومەكتەسەمىن، ءارى بىلگەنىمدى ۇيرەتىپ، تاجىريبەممەن بولىسەمىن. 
ءقازىر تەك اۆتوجابۋ ەمەس، كاسىپتىڭ باسقا تۇرلەرىن دە قولعا الىپ باستادىق. ۋاقىتى كەلگەندە بىلە جاتارسىزدار. 
«اۆتومودانىڭ» قىسقا ۋاقىتتىڭ ىشىندە ەكى مەملەكەتتە جۇمىس جاسايتىن تابىستى كومپانياعا اينالۋىنا بيزنەس باستاۋ كاسىپكەرلىك مەكتەبى مەن ونىڭ جەتەكشىسى احمەتبەك نۇرسيلا اعامىزدىڭ ەڭبەگى ايرىقشا. بب كومانداسىنىڭ ءاربىر مۇشەسى ۇلەسىن قوستى. احمەتبەك اعا ءوزى ۇنەمى بىلگەنىن ۇيرەتىپ جەتەلەپ وتىردى. سونىمەن قاتار، ءبىزدىڭ 11 قالاداعى سەرىكتەستەرىمىزدىڭ ەڭبەگى، بىزگە سەنىم ارتتى، قاراجاتسىز كاسىپ باستاۋعا مۇمكىندىك بەرىپ اقشاسىن سالدى، ەشقايسىسى زيانعا ۇشىراعان جوق. ءقازىر جاسىراتىنى جوق كەيبىر وبلىستار جوعارى تابىسپەن جۇمىس جاساۋدا، كەي وبلىستاردا تومەن بولىپ وتىر. ءبىز الداعى ۋاقىتتى بارلىق سەرىكتەستەرىمىزدىڭ جوعارى تابىس تابۋىنا مۇمكىندىك تۋعىزامىز. اۋىر ەكونوميكالىق جاعداي كەزىندە دە سەنىم ارتىپ، بىزبەن بىرگە بولعان ازاماتتاردىڭ ەڭبەگىن ۇمىتپايمىز. 
ءسوز سوڭىندا ايتايىن دەگەنىم، باستىسى مول اقشا تابۋ ەمەس، ۋاقىتىڭىدى ءتيىمدى پايدالانىپ جينايتىن ءبىلىم مەن تاجىريبە. بيىلعى جىلدا مەجەمىز ۇلكەن، ونى دا الداعى ۋاقىتتا جاريالاي جاتارمىز. وتكەن جىلعا قاراعاندا مۇمكىندىكتەر كوبەيىپ، از دا بولسا تاجىريبە جينادىق. جالپى مەن بيزنەس باستاۋ ۇلت ەكونوميكاسىنىڭ تىنىسىن اشاتىن جاڭا بۋىندى تاربيەلەپ جاتىر دەپ ەسەپتەيمىن.

قۇمار جۇماحاننىڭ "فەيسبۋكتەگى" پاراقشاسىنان الىندى.