الماتىدا «چۋكوتكا» مەيرامحاناسىندا سىرىم مۇراتقالييەۆ ەسىمدى ازاماتتىڭ ولىمىنە سەبەپكەر دەپ ايىپتالعان الەكساندر كۋزنەسوۆ 8 جىلعا باس بوستاندىعىنان ايرىلدى، - دەپ حابارلايدى «قامشى» پورتالى.

پروكۋرور ايىپتالۋشىنى 8 جىلعا باس بوستاندىعىنان ايىرۋ تۋرالى سۇرانىسى سوتتا قاناعاتتاندىرىلىپ، قىلمىستىق كودەكستىڭ 106-بابى 3ء-بولىمى بويىنشا كىنالى دەپ تانىلعان ا. كۋزنەسوۆ سەگىز جىلعا باس بوستاندىعىنان ايرىلدى. ول جازاسىن جالپى رەجيمدەگى تۇزەۋ مەكەمەسىندە وتەيتىن بولادى.

ەستەرىڭىزگە سالساق، 6 ناۋرىز كۇنى ءدامحانادا بولعان كيكىلجىڭدە س. مۇراتقالييەۆ اۋىر سوققىدان قازا بولدى. وسى ءىس بويىنشا وتكەن العاشقى سوت ينستانسياسى ايىپتالۋشىنى «ابايسىزدا كىسى ولىمىنە سەبەپكەر بولدى» دەگەن ايىپپەن ءبىر جارىم جىلعا باس بوستاندىعىنان ايرىلعان بولاتىن. ايىپتالۋشى تاراپ بۇل جازانىڭ ءوزىن ادىلەتسىز دەپ ساناعان بولاتىن. الايدا، بولعان جاعدايعا قاتىستى قوسىمشا مالىمەتتەر انىقتالىپ، ءىس قايتا قارالدى. سوت وتىرىستارىندا سونداي-اق، سوتقا دەيىنگى تەرگەۋ كەزىندە پوليسەيلەر تاراپىنان جىبەرىلگەن ءبىرقاتار كەمشىلىكتەر دە انىقتالدى.

ەسكەرتۋ: ۆيدەو tengrinews.kz سايتىنان الىندى.