قۇراما شتاتتاردان تاراتىلاتىن Mountain Morning Show باعدارلاماسى 13 جاستاعى بۇركىتشى قازاق قىزىنىڭ بەرگەن سۇحباتىن بۇكىل الەمگە كورسەتتى، - دەپ حابارلايدى «قامشى» پورتالى.
ونىڭ بارىسىندا موڭعول جەرىنەن شىققان بۇركىتشى قىزدىڭ تالابىنا ءتانتى بولعان امەريكاندىقتار ايشولپان مەن ونىڭ اكەسىنە قويىلعان ساۋالداردىڭ جاۋاپتارىن ەستي وتىرىپ، وزگە الەمگە ەنگەندەي، تاڭقالىسىپ، اۋىزدارىن اشتى. جۇرگىزۋشىلەردى اسا قىزىقتىرعانى – ادەتتە ەر ادامدار اۋەستەنەتىن بۇركىتشىلىك ءداستۇردى نازىك جاندى بولا تۇرا ايشولپاننىڭ جالعاستىرۋى. سونداي-اق موڭعولياداعى التاي ايماعىنا ات ارىلتقان امەريكاندىقتار قازاقتىڭ ەڭ ەجەلگى اڭشىلىق عۇرپى تۋرالى دەرەكتى فيلم ءتۇسىرىپ، شوۋدا ونىڭ ۇزىندىلەرىن كورسەتتى.
